ଭୁବନେଶ୍ବର: ୟୁନିଟ-୩ ଖାରବେଳ ନଗର ସ୍ଥିତ ଶ୍ରୀରାମ ମନ୍ଦିର ସେବା ସମିତିର ଅନ୍ତରୀଣ (ମଧ୍ଯବର୍ତ୍ତୀ କାଳୀନ) ଟ୍ରଷ୍ଟ ବୋର୍ଡ ଗଠନ କରାଯାଇଛି। ଦେବୋତ୍ତର ଆୟୁକ୍ତ ଲଲାଟେନ୍ଦୁ ଜେନା ଓଏଚ୍ଆରଇ ଆଇନ ଅନୁଯାୟୀ ୭ଜଣ ସଦସ୍ୟଙ୍କୁ ନେଇ ଟ୍ରଷ୍ଟ ବୋର୍ଡ ଗଠନ କରିଛନ୍ତି।
ଏହାର ଅବଧି ଏକ ବର୍ଷ ରଖାଯାଇଛି।ସଦସ୍ଯ ଭାବେ ଜଟଣୀ ବିକାଶ ନଗରର ଅବସରପ୍ରାପ୍ତ ଜିଲା ଜଜ୍ ବିରଞ୍ଚି କୁମାର ରଥ, ବ୍ରହ୍ମେଶ୍ବର ପାଟଣାର ବରିଷ୍ଠ ଆଇନଜୀବୀ ନିର୍ମଳ କିଶୋର ରଥ, ବାଳକାଟି ପ୍ରତାପଶାସନର ସାମ୍ବାଦିକ ଅଜିତ କୁମାର ଶତପଥୀ, ରାଜଭବନ ନିକଟ ଆର୍.ଏନ.ସିଂଦେଓ ମାର୍ଗର ମନ୍ଦିର ପ୍ରତିଷ୍ଠାତା ସଦସ୍ଯ ଡଥା ବ୍ୟବସାୟୀ ସୁରେନ୍ଦ୍ର କୁମାର ଝୁନଝୁନୱାଲା, ଘାଟିକିଆ ସାଇବାବା ମନ୍ଦିର (ଭିପୁଲ)ର ରାଜନୀତିଜ୍ଞ ଇଦିଶ ଚନ୍ଦ୍ର ଭୂୟାଁ ମହାପାତ୍ର, ସତ୍ୟନଗର ଭଞ୍ଜ ପ୍ରଭା ମାର୍କେଟ ଅଞ୍ଚଳର ରାଜନୀତିଜ୍ଞ କାଳୀ ପ୍ରସାଦ ମିଶ୍ର ଓ ଖାରବେଳ ନଗର ଥାନା ନିରୀକ୍ଷକ ରଜନୀକାନ୍ତ ମିଶ୍ରଙ୍କୁ ଶ୍ରୀରାମ ମନ୍ଦିର ସମିତିକୁ ସୁଚାରରୂପେ ପରିଚାଳନା ପାଇଁ ଆୟୁକ୍ତ ମନୋନୀତ କରିଛନ୍ତି।
