ନୂଆଦିଲ୍ଲୀ: ଜାତୀୟ ରାଜନୀତିରେ ନୂଆ ସମୀକରଣ ପାଇଁ ସୋନିଆ ଗାନ୍ଧୀ ନୈଶ ଭୋଜିର ଆୟୋଜନ କରିଛନ୍ତି । ଏଥିରେ ବିଭିନ୍ନ ଆଞ୍ଚଳିକ ଓ ଜାତୀୟ ଦଳର ନେତା ସାମିଲ ହୋଇଛନ୍ତି । ଭାରତୀୟ ଜନତା ପାର୍ଟିର ଦେଶରେ ବଢୁଥିବା ପ୍ରଭାବକୁ ରୋକିବା ପାଇଁ ଏହି ନୈଶ ଭୋଜିର ଆୟୋଜନ କରାଯାଇଥିବା କୁହାଯାଉଛି । ୟୁପିଏର ଚେୟାରମ୍ୟାନ ସୋନିଆ ଗାନ୍ଧୀ ବିଭିନ୍ନ ଦଳର ନେତାମାନଙ୍କୁ ନୈଶ ଭୋଜିରେ ସାମିଲ ହେବା ପାଇଁ ନିମନ୍ତ୍ରଣ ଦେଇଥିଲେ ।
ମଙ୍ଗଳବାରରେ ଆୟୋଜିତ ନୈଶ ଭୋଜି ପାଇଁ ୨୦ ଟି ଦଳର ନେତାମାନଙ୍କୁ ଆମନ୍ତ୍ରଣ କରାଯାଇଥିଲା । ଏଥିରେ କଂଗ୍ରେସକୁ ମିଶାଇ ୨୦ ଟି ଦଳର ନେତା ପହଞ୍ଚିଛନ୍ତି । ଏନ୍ସିପିର ନେତା ଶରଦ ପାଓ୍ୱାର, ଏବେ ଏନ୍ଡିଏରୁ ଅଲଗା ହୋଇଥିବା ହିନ୍ଦୁସ୍ତାନୀ ଆବାମ ଲିଗ୍ର ନେତା ଜିତନ ରାମ ମାଂଝି, ଶରଦ ଯାଦବ, ବସପାର ସତୀଶ ମିଶ୍ରା, ସପାର ରାମ ଗୋପାଳ ବର୍ମା, ଆର୍ଜେଡିର ତେଜ ପ୍ରତାପ ଯାଦବ,ଡିଏମ୍କେ ର କାନି ମୋଇ, ବାମପନ୍ଥୀ ଦଳ ପକ୍ଷରୁ ମହମ୍ମଦ ସଲିମ, ଡି ରାଜା, ଟିଏମ୍ସିର ସୁଦୀପ ବନ୍ଦୋ ପାଧ୍ୟାୟ, ଆର୍ଏଲ୍ଡିର ଅଜିତ ସିଂ, ଜମ୍ମୁ କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଓମର ଅବଦ୍ଦୁଲା, ଜେଡିଏସ୍ର କେ ଉ ପେନ୍ଦ୍ର ରେଡ୍ଡି, ଆର୍ଏସ୍ପିର ଏନ୍ କେ ପ୍ରେମ ଚନ୍ଦ୍ରନ ପ୍ରମୁଖ ଏହି ନୈଶ୍ୟ ଭୋଜିରେ ପହଞ୍ଚିଛନ୍ତି ।
