ନୂଆଦିଲ୍ଲୀ : ସାମାଜିକ ଗଣମାଧ୍ୟମ ପ୍ଲାଟଫର୍ମ ଇନଷ୍ଟାଗ୍ରାମରେ ଏମିତି ଏକ ଭିଡିଓ ଭାଇରାଲ ହେଉଛି ଯାହା ସମସ୍ତଙ୍କୁ ଚକିତ କରୁଛି । ଏହା କୌଣସି ଫିଲ୍ମ ସିନଠୁ କମ୍ ଲାଗୁନି । ଭିଡିଓରେ ନଜର ଆସୁଛି କି ଜଣେ ବ୍ୟକ୍ତି ଏଟିଏମରୁ ପଇସା ଉଠାଇବାକୁ ଯାଇଛନ୍ତି । କିନ୍ତୁ ବାହାରେ ଏକ ସାପ ଫଣା ମେଲାଇ ତାଙ୍କୁ ଅପେକ୍ଷା କରିଛି । ସାପକୁ ଡରି ବ୍ୟକ୍ତିଜଣକ ଏଟିଏମରୁ ବାହାରକୁ ବାହାରୁନାହାଁନ୍ତି । ବାହାରେ ଥିବା କିଛି ଲୋକ ତାଙ୍କୁ ସାହାଯ୍ୟ କରିବା ପାଇଁ ସାପକୁ ଘଉଡାଇବାକୁ ଚେଷ୍ଟା କରୁଛନ୍ତି । ତଥାପି ସାପ ସେହି ସ୍ଥାନରୁ ଯାଉନି । ଏହି ଦୃଶ୍ୟ ଏବେ ଭାଇରାଲ ହେବାରେ ଲାଗିଛି ।
View this post on Instagram
ଭିଡିଓରେ ସମସ୍ତେ ଭିନ୍ନ ଭିନ୍ନ ପ୍ରତିକ୍ରିୟା ରଖୁଛନ୍ତି । କିଛି ୟୁଜର୍ସ ମଜା ଉଡାଇ ନାଗୁଣୀ ପ୍ରତିଶୋଧ ନେବାକୁ ଆସିଥିବା କହୁଛନ୍ତି । କିଛି କମେଣ୍ଟରେ ନାଗୁଣୀ ଏଟିଏମକୁ ପଇସା ଉଠାଇବାକୁ ଆସିଥିବା କହୁଛନ୍ତି । ତେବେ ଭିଡିଓଟି କିଛି ଲୋକଙ୍କୁ ହସର ଖୁରାକ ଯୋଗାଇବା ସହ ଚକିତ ମଧ୍ୟ କରୁଛି । ପ୍ରାୟ ୨୦ ଲକ୍ଷରୁ ଅଧିକ ଲୋକ ଭିଡିଓକୁ ଦେଖିସାରିଛନ୍ତି ।
