ଚୌଦ୍ୱାର : ଚୌଦ୍ୱାର ଦିବ୍ୟଜୀବନ ସଂଘ, ବ୍ରାହ୍ମଣ ସମାଜର ସଭାପତି ତଥା ଶ୍ରୀଜଗନ୍ନାଥ ଭକ୍ତ ସମାଜର କାର୍ଯ୍ୟକାରୀ ସଭାପତି ସ୍ୱର୍ଗତ କେଦାରନାଥ ଷଡ଼ଙ୍ଗୀଙ୍କ ଏକ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ହିନ୍ଦ୍ ସେବକ ସଂଘର ରାଷ୍ଟ୍ରୀୟ ଅଧ୍ୟକ୍ଷ ଦାମୋଦର ସାହୁଙ୍କ ପୌରୋହିତ୍ୟରେ ଚୌଦ୍ୱାର ଅନ୍ତର୍ଗତ ଯାଜଭୈରବ ନୂଆଗାଁସ୍ଥିତ ଶାନ୍ତି କଲ୍ୟାଣ ମଣ୍ଡପଠାରେ ଆୟୋଜିତ ସଭାରେ ପ୍ରାକ୍ତନ ଆରକ୍ଷୀ ଅଧିକାରୀ ବାଳକୃଷ୍ଣ ମହାନ୍ତି, ଶିକ୍ଷାବିତ୍ ଧରଣୀଧର ବାରିକ, ଡ୍ରିମସର ପ୍ରଶାସନିକ ନିର୍ଦ୍ଦେଶକ ବଳରାମ କର, ଚୌଦ୍ୱାର ପୂଜା କମିଟିର ସଂପାଦକ ନାରାୟଣ ସ୍ୱାଇଁ, ଚୌଦ୍ୱାର ସାହିତ୍ୟ ସଂସଦର ସଂପାଦକ ଦିବ୍ୟଜ୍ୟୋତି ପାଣି, ଆଇନଜୀବୀ ଚନ୍ଦ୍ରପ୍ରକାଶ ପଟ୍ଟନାୟକ, ପାଲା ଗାୟକ ସିଦ୍ଧେଶ୍ୱର ନାୟକ, ଅଚ୍ୟୁତାନନ୍ଦ ପରିଡ଼ା, ସୁରେଶ ଚନ୍ଦ୍ର ମହାନ୍ତି, ପ୍ରମୋଦ ପଣ୍ଡା ପ୍ରମୁଖ କେଦାର ନନାଙ୍କ ବହୁମୁଖୀ ବ୍ୟକ୍ତିତ୍ୱ ସଂପର୍କରେ ଆଲୋକପାତ କରିଥିଲେ । ଶ୍ରୀଜଗନ୍ନାଥ ଭକ୍ତ ସମାଜର ସାଧାରଣ ସଂପାଦକ ରୋଟାରିଆନ ଶରତ କୁମାର ଖୁଣ୍ଟିଆଙ୍କ ସଂଯୋଜନାରେ ଅନୁଷ୍ଠିତ ସଭାରେ ସ୍ମରଣିକା ‘କେଦାର କୌସ୍ତୁଭ’ ଉନ୍ମୋଚିତ ହୋଇଥିଲା । ମୀନକେତନ ଷଡ଼ଙ୍ଗୀ, ଦେବୀପ୍ରସାଦ ଷଡ଼ଙ୍ଗୀ, ଭବାନୀପ୍ରସାଦ ଷଡ଼ଙ୍ଗୀ, ତ୍ରୈଲୋକ୍ୟନାଥ କର, ବିଚିତ୍ରାନନ୍ଦ ପଣ୍ଡା, ପ୍ରସନ୍ନ କୁମାର କର, କ୍ଷିତିଶ କୁମାର କର ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ଦିବ୍ୟଜୀବନ ସଂଘର ଚୌଦ୍ୱାର ଶାଖା ସଭାପତି ଅଦ୍ୱେତ ବଳ ଧନ୍ୟବାଦ ଅର୍ପଣ କରିଥିଲେ।
Comments are closed.