ସମ୍ବଲପୁର: ରାଜସ୍ଥାନର ରାଜଧାନୀ ଜୟପୁର ସ୍ଥିତ ଜୱାହାର କଳାକେନ୍ଦ୍ର ସ୍ଥିତ ଆର୍ଟ ଗ୍ୟାଲେରିରେ ଅନୁଷ୍ଠିତ ହୋଇଯାଇଥିବା ଆନ୍ତର୍ଜାତୀୟ ଆର୍ଟି କାର୍ଣ୍ଣିଭାଲରେ ପଶ୍ଚିମ ଓଡ଼ିଶାର ‘ଚିତ୍ରକାର’ ଗ୍ରୁପର ସଦସ୍ୟମାନଙ୍କର କଳାକୃତିଗୁଡିକ ପ୍ରଦର୍ଶିତ ହୋଇଛି। ୩ଦିନ ଧରି ଆୟୋଜିତ ଏହି ପ୍ରଦର୍ଶନୀରେ ଚିତ୍ରଶିଳ୍ପୀ ସଞ୍ଜୟ ସାହୁ, ମନୋଜ ଚୌଧୁରୀ, ବନ୍ଦନା ପଣ୍ଡା, ଅନୀଲ କେରକେଟା, ପ୍ରେମଚାନ୍ଦ ରାଉତ, କେଦାର ନାୟକ, ସୁଜାତା ବେହେରା ଓ କୁଶ ଭୁୟାଁ ପ୍ରମୁଖଙ୍କ କଳାକୃତି ପ୍ରଦର୍ଶିତ କରିଥିଲେ ଏବଂ ସେମାନଙ୍କ କଳାକୃତୀଗୁଡ଼ିକୁ ଦର୍ଶକଙ୍କ ଦ୍ବାରା ଉଚ୍ଚ ପ୍ରଶଂସିତ ହୋଇଛି। ମିନିଏଚର ଆର୍ଟିଷ୍ଟ ପଦ୍ମବିଭୂଷଣ ତିଲକ ଗୀତାଇ ମୁଖ୍ୟ ଅତିଥି ଭାବରେ ପ୍ରଦର୍ଶନୀକୁ ଉଦଘାଟନ କରି ଚିତ୍ରକାର ଗ୍ରୁପର କଳାକାରମାନଙ୍କୁ ଭୂୟସୀ ପ୍ରଶଂସା କରିଥିଲେ। ଏଭଳି ପ୍ରଦର୍ଶନୀରେ ଭାଗ ନେବା ଦ୍ୱାରା ସ୍ଥାନୀୟ କଳାକାର ମାନେ ବେଶ ଉତ୍ସାହିତ ହୋଇଛନ୍ତି ବୋଲି ସେ ପ୍ରକାଶ କରିଥିଲେ।
Comments are closed.