ହରଭଙ୍ଗା : ସାତକୋଶିଆ ମହାନଦୀ ଗଣ୍ଡରେ ଘଡିଆଳ କୁମ୍ଭୀର ପ୍ରକଳ୍ପ ବିଫଳ ପରେ କୁମ୍ଭୀର ବଂଶ ବୃଦ୍ଧି ଦିଗରେ ବନ୍ୟପ୍ରାଣୀ ବିଭାଗ ଯତ୍ନବାନ ହୋଇଛି। ଘଡିଆଳ କୁମ୍ଭୀର ପ୍ରଜନନ ସଂଖ୍ୟାକୁ ଦୃଷ୍ଟିରେ ରଖି ମଙ୍ଗଳବାର ନନ୍ଦନକାନନ ପ୍ରାଣୀ ଉଦ୍ୟାନରୁ ଛଅଟି ଘଡିଆଳ କୁମ୍ଭୀର ଅଣାଯାଇ କୁଶଙ୍ଗ ମହାନଦୀ ବନ୍ୟପ୍ରାଣୀ ରେଞ୍ଜର ସୁନାଖଣିଆ ବିଟର ମହାନଦୀରେ ଛଡାଯାଇଥିବା ସୂଚନା ମିଳିଛି। ଏମାନଙ୍କ ଗତିବିଦ୍ଧି ଅନୁଧ୍ୟାନ ପାଇଁ ସବୁ ଘଡିଆଳଲାଞରେ ଭି.ଏଚ.ଏଫ ସଂଯୋଗ କରାଯାଇଛି। ଏଥିପାଇଁ ଦୁଇଜଣ ବିଶେଷଜ୍ଞଙ୍କୁ ନିଯୁକ୍ତ କରାଯାଇଛି। ଛଅଟି ଘଡିଆଳ ମଧ୍ୟରେ ୩ଟି ପୁରୁଷ ଏବଂ ୩ଟି ମାଈ ଘଡିଆଳ ରହିଛି। ଏମାନଙ୍କ ଲମ୍ବ ୬ଫୁଟରୁ ଅଧିକ ରହିଥିବାବେଳେ ଗୋଟିଏର ଲମ୍ବ ୯ଫୁଟ ରହିଛି। ସମସ୍ତଙ୍କ ବୟସ ୪ବର୍ଷରୁ ଉର୍ଦ୍ଧ୍ବ ରହିଛି।
ସୂଚନାଯୋଗ୍ୟ ଯେ, ୧୫ ଫେବୃୟାରୀରେ ୨୦୧୯ରେ ସୁନାଖଣିଆରେ ଦୁଇଟି ମାଈ ଘଡିଆଳ ଛଡାଯାଇଥିଲା। ଏହାପୁର୍ବରୁ ମହାନଦୀରେ ଅନୁଗୁଳ ପଟୁ ୬ଟି ଏବଂ କୁଶଙ୍ଗ ପଟୁ ୬ଟି ମାଈ ଘଡିଆଳ ଛଡାଯାଇଥିଲା। ପୃଥକ ପୃଥକ ୪ଟି ପର୍ଯ୍ୟାୟରେ ସତକୋଶିଆ ମହାନଦୀରେ ୨୦ଟି ଘଡିଆଳ ଛଡାଯାଇଥିବା ସୂଚନା ମିଳିଛି। ଗତବର୍ଷ କୁମ୍ଭୀର ଗଣନାରୁ ସାତକୋଶିଆରେ ୧୩ଟି ଘଡିଆଳ ରହିଥିବା ସୂଚନା ମିଳିଛି। ଗତକାଲି କୁମ୍ଭୀର ଛାଡିବା ସମୟରେ ସେଠାରେ ମୁଖ୍ୟ ବନ୍ୟପ୍ରାଣୀ ବନସଂରକ୍ଷକ ହରିଶଙ୍କର ଉପାଧ୍ୟୟ,ସହକାରୀ ବନ୍ୟପ୍ରାଣି ସଂରକ୍ଷକ ଶଶିପଲ୍ଲ,ଅନୁଗୁଳ ଆର.ସି.ସି.ଏଫ ଡ.ପ୍ରଦୀପରାଜ କରାଟ,ସାତକୋଶିଆ ଡି.ଏଫ.ଓ ରାମାଶ୍ୱାମୀ .ପି,ନୟାଗଡ ବନ୍ୟପ୍ରାଣୀ ବନଖଣ୍ଡ ଅଧିକାରୀ ହର୍ଷବର୍ଦ୍ଧନ ଉଦ୍ଗାତା,ଆଠଗଡ ବନଖଣ୍ଡ ଅଧିକାରୀ ଯାଦବ ସୁଦର୍ଶନ ଗୋପିନାଥ,ବୌଦ୍ଧ ଡି.ଏଫ.ଓ ଯଶୋବନ୍ତ ସେଠି, ନନ୍ଦନକାନରୁ ଆସିଥିବା ପରାମର୍ଶଦାତା ସଦର୍ଶନ ମହାରଣା,ବାୟୌାଲୋଜିଷ୍ଟ ଡ.ରାଜେଶ,କୁଶଙ୍ଗ ରେଞ ଅଫିସର ପ୍ରଦୀପ ଭୂତିଆ, ପୁରୁଣାକଟକ ରେଞ୍ଜ ଅଫିସର ନିହାର ମଲ୍ଲିକ ପ୍ରମୁଖ ଉପସ୍ଥିତ ଥିଲେ।
Comments are closed.