ମୁମ୍ବାଇ : ଆମିର ଖାନଙ୍କ ଫିଲ୍ମ ‘ସିତାରେ ଜମିନ ପର’ ୧୮ ବର୍ଷ ପରେ ପୁଣି ପୁରୁଣା ଜାଦୁ ନେଇ ଫେରୁଛି ଯାହା ‘ତାରେ ଜମିନ ପର’ରେ ନଜର ଆସିଥିଲା । ଏହି ଫିଲ୍ମ ଆପଣଙ୍କୁ ଭାବୁକ କରିବା ସହିତ ହସର ମଧ୍ୟ ଖୋରାକ ଯୋଗାଇବ ।
ଆମିର ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ ସିତାରେ ଜମିନ ପରର ଟ୍ରେଲର ରିଲିଜ୍ ହୋଇଯାଇଛି । ୨୦୦୭ ମସିହାରେ ଆସିଥିବା ତାରେ ଜମିନ ପରର ଏହା ସ୍ପିରିଚୁଆଲ ସିକ୍ବେଲ । ଫିଲ୍ମର ଟ୍ୟାଗ୍ ଲାଇନ୍ ହେଉଛି ‘ସବକା ଅପନା ଅପନା ନର୍ମାଲ’ । ଏହି ଲାଇନରେ ସମସ୍ତଙ୍କୁ ଏକାଠି ନେଇ ସାଙ୍ଗରେ ଚାଲିବାକୁ ସନ୍ଦେଶ ଦିଆଯାଇଛି । ଏହା ନିଶ୍ଚୟ ଦର୍ଶକଙ୍କ ହୃଦୟରେ ସ୍ବତନ୍ତ୍ର ଛାପ ଛାଡିବ ।
ଫିଲ୍ମରେ ବାସ୍କେଟବଲ ଖେଳ ନଜର ଆସୁଛି । ଆମିର ଖାନ୍ କୋଚ୍ ଭାବେ କିଛି ଖେଳାଳୀଙ୍କୁ ବାସ୍କେଟ ବଲ ଟ୍ରେନିଂ ଦେଉଛନ୍ତି । ଏହି ଟିମକୁ ବିଜୟ ଲାଭ ପାଇଁ ଅନେକ ପରିଶ୍ରମ କରିବାକୁ ପଡୁଛି । ତେବେ ଏହି ଟିମ୍ ଜିତୁଛି କି ନାହିଁ ତାହା ସିନେମା ମୁକ୍ତିଲାଭ କରିବା ପରେ ହିଁ ଜଣାପଡିବ । ଫିଲ୍ମରେ ଜେନେଲିଆ ଦେଶମୁଖ ଆମିର ଖାନଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମ ୨୦ ଜୁନରେ ରିଲିଜ ହେବ ।
