ବାରିପଦା/ଶୁକୃଳି: ମୟୂରଭଞ୍ଜ ଜିଲାର ଜୀବନରେଖା କୁହାଯାଉଥିବା ଶିମିଳିପାଳ ଅଭୟାରଣ୍ୟରେ ୨/୩ ଦିନ ହେବ ନିଆଁ ଲାଗିଛି । ଫଳରେ ଶିମିଳିପାଳର ବନ୍ୟଜନ୍ତୁଙ୍କ ପ୍ରତି ବିପଦ ଦେଖାଦେଇଛି। ଶିମିଳିପାଳ ପାଦଦେଶରେ ଥିବା ବିଭିନ୍ନ ଛୋଟମୋଟ ଜଙ୍ଗଲ ସହିତ ଆଜି ଚହଲା ଏବଂ ତାଳବନ୍ଧ ରେଞ୍ଜ ଅଞ୍ଚଳର ୭ଟି ସ୍ଥାନରେ ନିଆଁ ଲାଗିଥିବା ଜଣାପଡିଛି। ତେଣେ ନିଆଁକୁ ଆୟତ୍ତ କରିବା ପାଇଁ ବନ କର୍ମଚାରୀ ନାକେଦମ ହେଲେଣି । ନିଆଁ ଲାଗିବା ଫଳରେ ବ୍ୟାପକ ଜଙ୍ଗଲ ପୋଡି ଯାଇଥିବା ଦେଖିବାକୁ ମିଳିଛି । ନିଆଁ ଲାଗିବା ଦ୍ୱାରା ବହୁ ଔଷଧୀୟ ବୃକ୍ଷ ନଷ୍ଟ ହେବା ସହିତ ବହୁ କୀଟପତଙ୍ଗ ମଧ୍ୟ ପୋଡି ନଷ୍ଟ ହୋଇ ଯାଉଛନ୍ତି । ତେବେ ଶିମିଳିପାଳ ଅଭୟାରଣ୍ୟ ଭିତରେ ଥିବା ନଅଣା ଉତ୍ତର ରେଞ୍ଜରେ ବନ୍ୟଜନ୍ତୁ ଶିକାର ଉଦ୍ଦେଶ୍ୟରେ ନିଆଁ ଲଗାଉଥିବା ସମୟରେ ବନବିଭାଗ କର୍ମଚାରୀ ୫ ଜଣଙ୍କୁ ଗିରଫ କରିଛନ୍ତି । ସେମାନଙ୍କ ନିକଟରୁ ୬ଟି ଧନୁତୀର, ୪ଟି କୁରାଢ଼ୀ ଓ ୨ଟି ଦିଆସିଲି ବାକ୍ସ ଶିକାର ପାଇଁ ବ୍ୟବହୃତ ସାମଗ୍ରୀ ଜବତ କରାଯାଇଛି।
Popular Categories
Previous article
Next article