ନୂଆଦିଲ୍ଲୀ – ପଞ୍ଜାବ କଂଗ୍ରେସର ଅଧ୍ୟକ୍ଷ ପଦରୁ ନବଜୋତ ସିଂ ସିଦ୍ଧୁ ଇସ୍ତଫା ଦେଇଛନ୍ତି । ନିଜ ଟ୍ୱିଟର ଆକାଉଣ୍ଟରେ ସେ ଏ ବିଷୟରେ ସୂଚନା ଦେଇଛନ୍ତି । ଦଳର ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଇଚ୍ଛା ଅନୁସାରେ ସେ ଇସ୍ତଫା ଦେଇଥିବା କଥା ଉଲ୍ଲେଖ କରିଥିବା ବେଳେ ଏହାର ଏକ ନକଲ ଟ୍ୱିଟର ଆକାଉଣ୍ଟରେ ପୋଷ୍ଟ କରିଛନ୍ତି । ୫ଟି ରାଜ୍ୟରେ କଂଗ୍ରେସ ଅତି ଖରାପ ପ୍ରଦର୍ଶନ କରିବା ପରେ ସୋନିଆ ଗାନ୍ଧୀ ପ୍ରଦେଶ କଂଗ୍ରେସର ଅଧ୍ୟକ୍ଷମାନଙ୍କୁ ଇସ୍ତଫା ଦେବା ପାଇଁ କହିଥିଲେ । ଏକ ପ୍ରକାର ସେମାନଙ୍କୁ ପଦରୁ ବିତାଡିତ କରାଯାଇଥିବା ବିଭିନ୍ନ ଜାତୀୟ ଗଣମାଧ୍ୟମରେ ଚର୍ଚ୍ଚା ହୋଇଥିଲା ।
ସିଦ୍ଧୁଙ୍କ ଅଧ୍ୟକ୍ଷତାରେ ପଞ୍ଜାବରେ କଂଗ୍ରେସ ନିର୍ବାଚନ ପାଇଁ ଓହ୍ଲାଇଥିଲା । ତାଙ୍କ ପାଇଁ କ୍ୟାପଟେନ୍ ଅମିରିନ୍ଦର ସିଂଙ୍କୁ କଂଗ୍ରେସ ମୁଖ୍ୟମନ୍ତ୍ରୀ ପଦରୁ ବାହର କରି ଚନ୍ନିଙ୍କୁ ସେହି ପଦ ଦେଇଥିଲା । ମାତ୍ର ସିଦ୍ଧୁ ଏଥିରେ ମଧ୍ୟ ଅସନ୍ତୋଷ ପ୍ରକାଶ କରିଥିଲେ। ପରେ କ୍ଷମତାରେ ଥିବା କଂଗ୍ରେସର ଅତି ଶୋଚନୀୟ ସ୍ଥିତି ହୋଇଥିଲା ।
As desired by the Congress President I have sent my resignation … pic.twitter.com/Xq2Ne1SyjJ
— Navjot Singh Sidhu (@sherryontopp) March 16, 2022
ସିଦ୍ଧୁ ଏହା ମତଦାତାଙ୍କ ନିର୍ଣ୍ଣୟ କହିବା ସହ ତାକୁ ସ୍ୱାଗତ କରିଥିଲେ । ତାଙ୍କୁ ପଦରୁ ବିତାଡିତ କରାଯିବ ବୋଲି ଏକ ପ୍ରକାର ନିଶ୍ଚୟ ହୋଇଯାଇଥିଲା । କଂଗ୍ରେସର ଶୋଟନୀୟ ପରାଜୟ ପରେ ପଞ୍ଜାବ, ମଣିପୁର . ଉତ୍ତରପ୍ରଦେଶ , ଉତ୍ତରାଖଣ୍ଡ ଏବଂ ଗୋଆରେ ଦଳର ଅଧ୍ୟକ୍ଷମାନଙ୍କୁ ଇସ୍ତଫା ଦେବା ପାଇଁ ନିର୍ଦେଶ ଦିଆଯାଇଥିଲା । କଂଗ୍ରେସର ମୁଖପାତ୍ର ରଣଦୀପ ସିଂ ହୁଡ୍ଡା ଟ୍ୱିଟ୍ କରି ଏହି ସୂଚନା ଦେଇଥିଲେ ।
Congress President, Smt. Sonia Gandhi has asked the PCC Presidents of Uttar Pradesh, Uttarakhand, Punjab, Goa & Manipur to put in their resignations in order to facilitate reorganisation of PCC’s.
— Randeep Singh Surjewala (@rssurjewala) March 15, 2022
ପରେ ସିଦ୍ଧୁ ନିଜ ପଦରୁ ଇସ୍ତଫା ଦେବା ସହ ଏ ବିଷୟରେ ଟ୍ୱିଟରେ ସୂଚନା ଦେଇଛନ୍ତି ।
#politics #punjab #sidhu
