ପେରୁ :ସୋସିଆଲ ମିଡିଆରେ ଏଭଳି ଅନେକ ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ସଭିଏଁ ଆଶ୍ଚର୍ଯ୍ୟ ଚକିତ ହୋଇଯିବେ। ସେଭଳି ଏକ ଭିଡିଓ ଏବେ ବେଶ ଭାଇରାଲ ହେଉଛି। ଭିଡିଓରେ ଦେଖାଯାଉଛି, ୨ଟି ଟ୍ରକ ଯେତେବେଳେ ପାହାଡ ରାସ୍ତାରେ ଯାଉଥିବା ସମୟରେ ସେହି ସମୟରେ ଏକ ବଡ ପଥର ଚଳନ୍ତା ଗାଡି ପରେ ଖସିପଡୁଛି। ଭିଡିଓରେ ଦେଖାଯାଉଛି, ପାହାଡ ନିକଟରେ ଏକ ବଡ ପଥର ଖସିବା ପରେ ଟ୍ରକର ଚକ ଗୁଡିକ ବାହାରି ଯାଇଥିଲା। ପଥରଟି ଏକ କାର୍ ଆକାରର। ମାତ୍ର ଏହି ଭୟାବହ ଘଟଣା ପରେ ମଧ୍ୟ କୌଣସି ଲୋକଙ୍କ ମୃତ୍ୟୁ ହୋଇ ନାହିଁ। ଏହା କୌଣସି ଚମତ୍କାରରୁ କମ୍ ନୁହେଁ। ଏହି ଭିଡିଓକୁ ଦେଖିଲେ ଛାତି ଥରି ଉଠିବ। ଏହି ଘଟଣା ପେରୁ ଅଞ୍ଚଳର ବୋଲି ଜଣାପଡିଛି।
ରିପୋର୍ଟ ଅନୁଯାୟୀ, ଶନିବାର ସେନ ମେଟୋର ହୁଆଞ୍ଚୋରରେ ହୋଇଥିବା ଏହି ଭୂସ୍ଖଳନରେ ୨ଟି ବାଣିଜ୍ୟିକ ଟ୍ରକର ଚାଳକ ମାନେ ଏକ ବଡ ଧରଣର ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି। ମାତ୍ର କେନ୍ଦ୍ରୀୟ ରାଜପଥର ଏକ ଅଂଶ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ପଥର ଏତେ ଭାରୀ ଥିଲା ଯେ ରାସ୍ତାରେ ଏକ ଗଭୀର ଗର୍ତ୍ତ ସୃଷ୍ଟି ହୋଇଥିଲା। ସେନ ମେଟୋର ଅଞ୍ଚଳରେ ଗତ କିଛି ଦିନ ହେବ ବର୍ଷା ହେଉଛି। ଏହି ଅଞ୍ଚଳରେ ଭୂସ୍ଖଳନ ଓ ପାହାଡରୁ ପଥର ଖସିବା ଅନେକ ଘଟଣା ବାରମ୍ବାର ସାମ୍ନାକୁ ଆସିଥାଏ।
Abrupt highway drive
Drivers survived, according to multiple reports. Central Highway in Peru pic.twitter.com/ic2O78GaSN
— Real Untold Story (@RealUntoldStory) March 3, 2024
ଭାଇରାଲ୍ ଭିଡିଓରେ ଆପଣ ଦେଖିପାରିବେ ,କାର ଆକାର ଏକ ପଥର ସିଧାସଳଖ ଟ୍ରକ୍ ଉପରେ ଖସି ପଡୁଛି। ଏହା ପରେ ଟ୍ରକର ଚକଗୁଡ଼ିକ ବାହାରି ଯିବା ସହ ଗାଡିଟି ଅନେକ ଉଚ୍ଚକୁ ଉଠି ଯାଉଛି। ଯେଉଁ କାର୍ ଏହାର ଫୁଟେଜ୍ କଏଦ କରିଥିଲା, ସେହି କାରଟି ମଧ୍ୟ ଏହି ଅଘଟଣରୁ ବର୍ତ୍ତି ଯାଇଥିଲା।
ରିପୋର୍ଟ ଅନୁଯାୟୀ, ଏହି ସମସ୍ତ ସ୍ଥାନରେ ପ୍ରବଳ ବର୍ଷା ଭୂସ୍ଖଳନର କାରଣ ବୋଲି କୁହାଯାଏ। ଏକ ବର୍ଷରୁ ଅଧିକ ସମୟ ପୂର୍ବରୁ ଲଗାତାର ବର୍ଷା ପରେ ଏଠାରେ ଭୂସ୍ଖଳନ ଯୋଗୁଁ ଅନେକ ଲୋକଙ୍କ ମୃତ୍ୟୁ ହୋଇଥିଲା।
Comments are closed.