ନୂଆଦିଲ୍ଲୀ,୧୯ା୧: କଲକାତାରେ ଅନୁଷ୍ଠିତ ମମତା ବାନାର୍ଜୀଙ୍କ ମହାମେଣ୍ଟ ସଭାରେ ଯୋଗ ଦେଇଥିବା ବିଜେପିର ଅସନ୍ତୁଷ୍ଟ ନେତା ଶତ୍ରୁଘ୍ନ ସିହ୍ନାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ। ସିହ୍ନା ଅତ୍ୟନ୍ତ ସୁବିଧାବାଦୀ। ସେ ବିରୋଧୀଙ୍କ ବୈଠକରେ ଯୋଗଦେବା ସହ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିବା ଦ୍ବାରା ଦଳୀୟ ଶୃଙ୍ଖଳାର ସମସ୍ତ ସୀମା ଅତିକ୍ରମ କରିଛନ୍ତି। ତାଙ୍କୁ ଏହାର ଫଳ ଭୋଗିବାକୁ ପଡ଼ିବ। ରାଷ୍ଟ୍ରୀୟ ସଭାପତି ଅମିତ ଶାହା ସୁସ୍ଥ ହେବା ପରେ ତାଙ୍କୁ ଦଳରୁ ନିଲମ୍ବନ କରାଯିବ ବୋଲି କହିଛନ୍ତି ବିଜେପିର ଜଣେ ପଦାଧିକାରୀ। ଦଳର ମୁଖପାତ୍ର ରାଜୀବ ପ୍ରତାପ ରୁଡ୍ଡି ମଧ୍ୟ ସମାନ ମନ୍ତବ୍ୟ ଦେଇଛନ୍ତି। ସିହ୍ନା ସମ୍ପ୍ରତି ବିହାରର ପାଟନା ସାହିବ ସାଂସଦ ଅଛନ୍ତି। ବିହାର ବିଜେପି ସଭାପତି ନିତ୍ୟାନନ୍ଦ ରାଏ ମଧ୍ୟ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ଦେଇଛନ୍ତି। ଶତ୍ରୁଘ୍ନ ଏଠାରେ ମୋଦୀଙ୍କୁ ଆକ୍ଷେପ କରି ଚୌକିଦାର ଚୋର ବୋଲି କହିଥିଲେ।
Popular Categories
Previous article
Next article