କଲକାତା : ମମତା ବାନାର୍ଜୀଙ୍କ ନେତୃତ୍ବରେ ଏଠାରେ ଏକତ୍ର ହୋଇଥିବା ୨୩ ବିରୋଧୀ ଦଳ ନେତାମାନେ ଇଲେକ୍ଟ୍ରୋନିକ ଭୋଟିଂ ମେସିନ (ଇଭିଏମ୍)ରେ ଜାଲିଆତି ତଦାରଖ ପାଇଁ ଏକ କମିଟି ଗଠନ କରିଛନ୍ତି। କଂଗ୍ରେସର ଅଭିଷେକ ମନୁ ସିଂହଭି, ସମାଜବାଦୀ ପାର୍ଟିର ଅଖିଳେଶ ସିଂହ ଯାଦବ, ବହୁଜନ ସମାଜ ପାର୍ଟିର ସତୀଶ ମିଶ୍ର ଓ ଆମ୍ ଆଦମୀ ପାର୍ଟିର ଅରବିନ୍ଦ କେଜ୍ରିୱାଲଙ୍କୁ ନେଇ ଏହି କମିଟି ଗଠନ କରାଯାଇଛି। ସେମାନେ ଇଭିଏମ୍ର କାର୍ଯ୍ୟକାରିତା ଓ ଏଥିରେ ଜାଲିଆତିର ଅନୁଧ୍ୟାନ କରି ନିର୍ବାଚନ ଆୟୋଗଙ୍କୁ ରିପୋର୍ଟ ଦେବେ। ଇଭିଏମ୍ ଓ ଭିଭିପ୍ୟାଟ୍ ପ୍ରଚଳନ କ୍ଷେତ୍ରରେ ସଂସ୍କାର ଆଣିବା ସହ ସ୍ବଚ୍ଛ ନିର୍ବାଚନ ପାଇଁ କମିଟି ଆୟୋଗଙ୍କ ନିକଟରେ ମତ ରଖିବେ। କଲକାତା ସମ୍ମିଳନୀରେ ନେତାମାନେ ଇଭିଏମ୍ ଉପରେ ତୀବ୍ର ଆକ୍ରମଣ କରିଥିଲେ। ନ୍ୟାସନାଲ କନ୍ଫରେନ୍ସ ନେତା ଫାରୁକ ଅବଦୁଲ୍ଲା ଏହାକୁ ‘ଚୋର ମେସିନ୍’ ବୋଲି କହିଥିଲେ। ବାଲାଟ କାଗଜର ପୁନଃପ୍ରଚଳନ ପାଇଁ ସେମାନେ ଦାବି କରିଥିଲେ। ଅପରପକ୍ଷରେ ନିର୍ବାଚନ ଆୟୋଗ ଏ ସମ୍ପର୍କରେ କହିଛନ୍ତି ଯେ ବିରୋଧୀ ଦଳ ନେତାମାନେ ଇଭିଏମ୍କୁ ପୁଟ୍ ଭଳି ବ୍ୟବହାର ନ କରନ୍ତୁ। ଏହା ଦ୍ବାରା ଜାଲିଆତି ସମ୍ଭବ ନୁହେଁ ବୋଲି ବାରମ୍ବାର ପ୍ରମାଣିତ ହୋଇଥିବା ଆୟୋଗ କହିଛନ୍ତି।
Popular Categories
Previous article
Next article