ସମ୍ବଲପୁର: ଆଲୋକର ପର୍ବ ଦୀପାବଳି ଆସୁଥିବା ବେଳେ ସହରରେ ବେଆଇନ ଭାବରେ ବାଣ ବିକ୍ରି କରାଯାଉଥିବା ଜଣାପଡିଛି । ପୁଲିସର ଚଢ଼ଉ ସମୟରେ ବିଗତ ୨ ଦିନ ମଧ୍ୟରେ ଲକ୍ଷାଧିକ ଟଙ୍କାର ବାଣ ଜବତ ହୋଇଛି । ଏହାକୁ ଦୃଷ୍ଟିରେ ରଖି ଅଗ୍ନିଶମ ବିଭାଗ ପକ୍ଷରୁ ମଧ୍ୟ କଡା ଆଭିମୁଖ୍ୟ ଗ୍ରହଣ କରାଯାଉଛି ବୋଲି ଅଗ୍ନିଶମ ଅଧିକାରୀ ସୁଦାମ କିସକୁ କହିଛନ୍ତି।
କିସକୁ ଶୁକ୍ରବାର କହିଛନ୍ତି ଯେ, ସରକାର ବାଣ ବିକ୍ରି ପାଇଁ ସ୍ୱତନ୍ତ୍ର ଲାଇସେନ୍ସ ପ୍ରଦାନ କରୁଥିବା ବେଳେ ତାହାର ଆବେଦନ ପ୍ରକ୍ରିୟାକୁ ସରଳୀକରଣ କରିଛନ୍ତି । ଏଣୁ ଆମେ ଦୀପାବଳି ଅବସରରେ ଅସ୍ଥାୟୀ ରୂପେ ବାଣ ବିକ୍ରି କରୁଥିବା ବ୍ୟକ୍ତିଙ୍କୁ ଅସ୍ଥାୟୀ ଲାଇସେନ୍ସ ପ୍ରଦାନ କରୁଛୁ । ଏଥିସହ ଅସ୍ଥାୟୀ ବାଣ ବିକ୍ରେତାମାନଙ୍କୁ ଏଥିପାଇଁ ସଚେତନ ମଧ୍ୟ କରୁଛୁ ଏବଂ ବେଆଇନ ବାଣ ବିକ୍ରି ଉପରେ ତୀକ୍ଷ୍ଣ ନଜର ରଖିଛୁ । ତେବେ ସରକାରୀ ନିୟମ ଉଲ୍ଲଂଘନ କରି ନିର୍ଦ୍ଧାରିତ ସ୍ଥାନ ବାହାରେ ବାଣ ବିକ୍ରି କଲେ, ଉକ୍ତ ଦୋକାନକୁ ସିଲ କରାଯିବା ସହିତ ଆଇନ ଅନୁଯାୟୀ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କିସକୁ କହିଛନ୍ତି।
Comments are closed.