ନୂଆଦିଲ୍ଲୀ : ସୋସିଆଲ ମିଡିଆରେ ସଡକ ଦୁର୍ଘଟଣାର ଅନେକ ଛାତିଥରା ଭିଡିଓ ଭାଇରାଲ୍ ହୋଇଥାଏ । ଯାହା ଆଶ୍ଚର୍ଯ୍ୟଚକିତ ସହ ଭୟଭୀତ ମଧ୍ୟ କରିଥାଏ। ନିକଟରେ ସଡକ ଦୁର୍ଘଟଣାର ଭାଇରାଲ୍ ହେଉଥିବା ଏକ ଭିଡିଓ ସଭିଁଙ୍କ ହୋସ୍ ଉଡାଇ ଦେଇଛି । ଭିଡିଓଟିକୁ ଦେଖିଲେ ଭୟରେ ଛାତି ଥରି ଉଠିବ । ଭିଡିଓରେ ଏମିତି କିଛି ଦେଖିବାକୁ ମିଳିଛି, ଯାହା ଭଗବାନଙ୍କ ଚତ୍ମକାର ବୋଲି କୁହାଯାଉଛି । ଭିଡିଓରେ ଦେଖିପାରିବେ, ଜଣେ ସ୍କୁଟି ଆରୋହୀ ହଠାତ୍ ଏକ ୨୨ ଚକିଆ ଟ୍ରକ୍ ଚକା ତଳେ ଆସି ଯାଇଛନ୍ତି । ମାତ୍ର ସେ ସାମାନ୍ୟ ଆହତ ମଧ୍ୟ ହୋଇ ନାହାଁନ୍ତି । ଟ୍ରକ୍ଟି ରାଜପଥ ଉପରେ ଯାଉଥିବା ଦେଖିପାରିବେ । ରାସ୍ତାର ବୁଲାଣି ନିକଟରେ ଜଣେ ଯୁବତୀ ଠିଆ ହୋଇଛନ୍ତି । ସେ ଗାଡିଟି ଯାଉଥିବା ଦେଖୁଛନ୍ତି।
ମାତ୍ର ସେହି ସମୟରେ ଜଣେ ସ୍କୁଟି ଆରୋହୀ ହଠାତ୍ ଟ୍ରକ୍ର ଅତି ନିକଟତର ହୋଇ ଯାଉଛନ୍ତି । ସେହି ସମୟରେ ସ୍କୁଟିଟି ଖସି ଯାଉଛି । ବ୍ୟକ୍ତି ଜଣକ ଟ୍ରକ୍ ଚକା ତଳକୁ ପଳାଉଛନ୍ତି । ସେହି ସମୟରେ ଦୃଶ୍ୟ ଦେଖିଲେ ଭୟଭୀତ ଲାଗିବା ସାଧରଣ କଥା । ସୌଭାଗ୍ୟବଶତଃ ସେ ସୁରକ୍ଷିତ ଥିବା ଦେଖାଯାଇଛି । ଟ୍ରକ୍ର ପ୍ରତ୍ୟେକ ଚକା ତାଙ୍କ ମୁଣ୍ଡକୁ ସାମାନ୍ୟ ଛୁଇଁ ପଳାଇଥିଲା । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
