ନୂଆଦିଲ୍ଲୀ: କେନ୍ଦ୍ର ସରକାରଙ୍କ ୩ଟି କୃଷି ଆଇନ ବିରୋଧରେ ଦିଲ୍ଲୀର ବିଭିନ୍ନ ସୀମାରେ ଆନ୍ଦୋଳନରତ କୃଷକମାନଙ୍କୁ ତୁରନ୍ତ ହଟାଇବା ଲାଗି ଅଧିକାରଙ୍କୁ ନିର୍ଦେଶ ଦେବା ପାଇଁ ରୁଜୁ ହୋଇଥିବା ପିଟିଶନର ଶୁଣାଣି ବୁଧବାର ସୁପ୍ରିମକୋର୍ଟରେ ହୋଇଛି। ସର୍ବୋଚ୍ଚ ଅଦାଲତ ଏହି ମାମଲାରେ କେନ୍ଦ୍ର ସରକାର, ପଞ୍ଜାମ ଏବଂ ହରିୟାଣା ରାଜ୍ୟ ସରକାରଙ୍କୁ ନୋଟିସ ଜାରି କରିଛନ୍ତି।
ସହମତି ଭିତ୍ତିରେ ସମସ୍ୟାର ସମାଧାନ କରିବାକୁ ସୁପ୍ରିମକୋର୍ଟ ଗୁରୁତ୍ଵ ଦେଇଛନ୍ତି। ପ୍ରସଙ୍ଗର ସମାଧାନ ପାଇଁ କୃଷି ସଂଗଠନଗୁଡ଼ିକର ପ୍ରତିନିଧି, ସରକାର ଏବଂ ଅନ୍ୟ ହିତାଧିକାରୀମାନଙ୍କୁ ମିଶାଇ ଏକ କମିଟି ଗଠନ କରିବା ଲାଗି ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ପକ୍ଷରୁ ହାଜର ହୋଇଥିବା ସଲିସିଟର ଜେନେରାଲ ତୁଷାର ମେହେଟ୍ଟାଙ୍କୁ କହିଛନ୍ତି। ଆସନ୍ତା କାଲି ଏହି ମାମଲାର ପରବର୍ତ୍ତୀ ଶୁଣାଣି କରିବାକୁ କୋର୍ଟ ଦିନ ଧାର୍ଯ୍ୟ କରିଛନ୍ତି।
A Bench of Chief Justice SA Bobde and Justices AS Bopanna and V Ramasubramanian grants permission to implead farmer organisations. The matter will be heard in the Supreme Court tomorrow. https://t.co/eWtZjY9rjd
— ANI (@ANI) December 16, 2020
ଏହି ଅବସରରେ ଆବେଦନକାରୀ ଦିଲ୍ଲୀ ସୀମାରେ ଭିଡ଼ ଜମାଇଥିବା କୃଷକଙ୍କୁ ହଟାଇବା ଲାଗି ଶାହିନ ବାଗ୍ ମାମଲାର ଉଦାହରଣ ଦେଇଥିଲେ।ପିଟିଶନର ଶୁଣାଣି ସମୟରେ ପ୍ରଧାନ ବିଚାରପତି ଏସ.ଏ. ବୋବଡେ କହିଥିଲେ, ଆଇନଶୃଙ୍ଖଳା ପ୍ରସଙ୍ଗରେ କୌଣସି ଉଦାହରଣ ଦିଆଯାଇ ପାରିବ ନାହିଁ।
ପ୍ରଧାନ ବିଚାରପତି ଏସ.ଏ. ବୋବଡେ, ଜଷ୍ଟିସ ଏ.ଏସ. ବୋପାନ୍ନା ଏବଂ ଭି. ରାମାସୁବ୍ରମଣ୍ୟମଙ୍କୁ ନେଇ ଗଠିତ ଖଣ୍ଡପୀଠ କୃଷକ ସଂଗଠନଗୁଡ଼ିକୁ ଏହି ମାମଲାରେ ପକ୍ଷଭୁକ୍ତ କରିବାକୁ ଅନୁମତି ଦେଇଛନ୍ତି।
