ଡେସ୍କ: ୯୦ ଦିନ ସମୟ ମାଗିଥିବା ଷ୍ଟେଟ ବ୍ୟାଙ୍କ ମାତ୍ର ୨୪ ଘଣ୍ଟା ମଧ୍ୟରେ ତଥ୍ୟ ଦାଖଲ କରିଛି। ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ଆଜି ସନ୍ଧ୍ୟାରେ ନିର୍ବାଚନ ଆୟୋଗଙ୍କ ନିକଟରେ ନିର୍ବାଚନୀ ବଣ୍ଡ୍ ତଥ୍ୟ ଦାଖଲ କରି ସୁପ୍ରିମକୋର୍ଟଙ୍କ କଠୋର ଆଦେଶ ପାଳନ କରିଛି। ବ୍ୟାଙ୍କର ଅଧ୍ୟକ୍ଷ ଏବଂ ପରିଚାଳନା ନିର୍ଦ୍ଦେଶକ ଏକ ସତ୍ୟପାଠ ପ୍ରଦାନ କରି ଅଦାଲତଙ୍କ ନିର୍ଦ୍ଦେଶକୁ ପାଳନ କରିବାକୁ ନିଶ୍ଚିତ କରିଥିଲେ। କୋର୍ଟଙ୍କ ନିର୍ଦ୍ଦେଶ କ୍ରମେ ନିର୍ବାଚନ ଆୟୋଗ ଶୁକ୍ରବାର ଅପରାହ୍ନ ୫ଟା ସୁଦ୍ଧା ଏହି ତଥ୍ୟ ସଂଗ୍ରହ କରି ପ୍ରକାଶ କରିବେ। ତଥ୍ୟ ପ୍ରକାଶ ପାଇଁ ମାର୍ଚ୍ଚ ୬ ତାରିଖ ସମୟସୀମା ବୃଦ୍ଧି ପାଇଁ ଏସବିଆଇର ଅନୁରୋଧକୁ ସୋମବାର କୋର୍ଟ ଖାରଜ କରିଦେଇଥିଲେ।
ଚାର୍ଜ ହେଉଥିବା ସମୟରେ ଇ-ସ୍କୁଟର ବ୍ୟାଟେରୀ ବିସ୍ଫୋରଣ, ଭିଡିଓ ଭାଇରାଲ
ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ସଂରକ୍ଷିତ ତଥ୍ୟ ସଂଗ୍ରହ, ଯାଞ୍ଚ ଏବଂ ପ୍ରକାଶ କରିବାରେ ଇଚ୍ଛାକୃତ ବିଳମ୍ବ କରିଥିବାରୁ ବ୍ୟାଙ୍କକୁ କଡ଼ା ସମାଲୋଚନା କରିଥିଲେ। ଗୋପନୀୟତା କାରଣରୁ ଏବଂ ପ୍ରକ୍ରିୟାର ଜଟିଳତା ଦର୍ଶାଇ ବ୍ୟାଙ୍କ ଜୁନ୍ ୩୦ ପର୍ଯ୍ୟନ୍ତ ଅବଧି ବୃଦ୍ଧି କରିବାକୁ ଆବେଦନ କରିଥିଲା। ବିରୋଧୀ ଦଳଗୁଡିକ ଷ୍ଟେଟ ବ୍ୟାଙ୍କର ଏଭଳି ଆବେଦନକୁ ସମାଲୋଚନା କରିଥିଲେ ଏବଂ କହିଥିଲେ ଯେ ରାଜନୈତିକ ଅଭିସନ୍ଧି ରଖି ଷ୍ଟେଟ ବ୍ୟାଙ୍କ ନୂଆ ସରକାର ଗଠନ ହେବା ପରେ ତଥ୍ୟ ଦେବାକୁ ଚାହିଁବା ପଛରେ ସରକାରଙ୍କ ଯୋଜନା ରହିଛି।
ମରିସସର ବିକାଶ ଯାତ୍ରାରେ ଯୋଗଦାନ ଭାରତର ପ୍ରତିବଦ୍ଧତାର ଏକ ଉଜ୍ଜ୍ୱଳ ଉଦାହରଣ – ରାଷ୍ଟ୍ରପତି
