ଶନିବାର ରାଶିଫଳ ୧୮.୦୨.୨୦୨୩

ମେଷ: ମନରେ ଧ୍ୟାନର ଦୀପ ଜଳାଇ ଭବିଷ୍ୟତରେ ଉପୁଜିବାକୁ ଥିବା ଅନ୍ଧକାରକୁ ଉଳମୟ କରିପାରନ୍ତି। ପ୍ରସନ୍ନ ଚିତ୍ତରେ ଓ ଦୟାଳୁ ସ୍ବଭାବରେ ଦୀନ-ଦରିଦ୍ରଙ୍କ ପୃଷ୍ଠପୋଷକ ହୋଇପାରନ୍ତି।
ବୃଷ: ଦୈବୀ ବଳରେ ବଳୀୟାନ୍‌ ହେବେ। ଆତ୍ମଶକ୍ତିକୁ ଜାଗ୍ରତ ରଖି ତା’ଉପରେ ବିଶ୍ବାସ ରଖିବାକୁ ପଡ଼ିବ। ସମାଜସେବାରେ ନିଜକୁ ନିୟୋଜିତ କରିବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ।
ମିଥୁନ: ଘୋଷିତ ଅଶୁଭ ସମୟକୁ ଡରିଲେ ସେ ଡରାଇବ; ମାତ୍ର ତା’ର ମୁକାବିଲା କଲେ ସେ ଲୁଚିଯିବ। ସାମାନ୍ୟ ଅସୁସ୍ଥତା ଅନୁଭବ କରି ମଧ୍ୟ କର୍ମକ୍ଷମ ହେବେ। ବିପଦ ଟାଳିବା ପାଇଁ ପତ୍ନୀ ଆଜି ଉପାସିକା ସାଜିଛି।
କର୍କଟ: ସମ୍ବେଦନା ସହିତ ଯୋଡ଼ି ହେଲେ ସେବାର ମହତ୍ତ୍ବ ଉପଲବ୍ଧି ହେବ। ପ୍ରାଣପ୍ରିୟାଙ୍କୁ ସହାୟତା କରିବା ନିଜର କର୍ତ୍ତବ୍ୟ ଭାବେ ବିବେଚନା କରିବାକୁ ପଡ଼ିବ। ଅହଂ ନାଶ ହେବ। ବ୍ୟବସାୟ ଲାଭଜନକ ହେବ।
ସିଂହ: ଈପ୍‌ସିତ ପଦାର୍ଥ ପ୍ରାପ୍ତିର ସୂଚନା ମିଳୁଛି। ଦାନଧର୍ମକୁ ଆଦରି ନେବେ। ଜୀବନକୁ ସହଜଭାବେ ଗ୍ରହଣ କରିବାର ପ୍ରବୃତ୍ତି ଆପଣଙ୍କର ରହିଛି। ଯାନବାହନ ସୁଖ ମିଳିବ। ଦୂରଯାତ୍ରା ଯୋଗ ଅଛି।
କନ୍ୟା: ନିରୋଗ ଶରୀରର ସୁଦୃଶ୍ୟ ଅବୟବସମ୍ପନ୍ନ ହେବେ। ସୁସ୍ଥ ଓ ନିରାମୟ ରହିବେ। ସୌଭାଗ୍ୟଶାଳୀ ଓ ଧାର୍ମିକ ପ୍ରବୃତ୍ତିର ହେବେ। ଭକ୍ତି, ରସ, ପ୍ରେମର ଅଧିକାରୀ ହୋଇପାରନ୍ତି। ସମର୍ପିତ ଜୀବନଯାପନ କରିବେ।
ତୁଳା: ଧନ ଆଉ ଧର୍ମକୁ ତଉଲିବେ। ଭାଇମାନଙ୍କ ମଧ୍ୟରେ ଶ୍ରେଷ୍ଠ ହେବେ। ପରିବାର ମଧ୍ୟରେ ସ୍ନେହଭାବ ରହିବ। ଉଦାର ସ୍ବଭାବର ହେବେ। କୃଷି କର୍ମକାରୀ ହୋଇପାରନ୍ତି। ଈଶ୍ବର ବିଶ୍ବାସୀ ହେବେ। ଧନଲାଭ ହେବ।
ବିଛା: ଧନହାନି ଘଟିବାର ସୂଚନା ମିଳୁଛି। ଛଳନା କରି ହୃଦୟ ଭିତରକୁ ପଶି ଆସିବାକୁ ଥିବା କୃତ୍ରିମମାନଙ୍କୁ ବହିଷ୍କାର କରି ନ ପାରିଲେ ଅର୍ଜନ କରିଥିବା ସମସ୍ତ ପୁଣ୍ୟ ଧୋଇଯାଇପାରେ। ଆଜି ସତର୍କତାର ଦିନ।
ଧନୁ: ସ୍ବକର୍ମ ଭାଗ୍ୟକୁ ନିୟନ୍ତ୍ରଣ କରୁଥିବାରୁ କର୍ମ ତତ୍ପରତା ଆପଣଙ୍କ ଭବିଷ୍ୟ ନିର୍ମାଣ କରିବା କାର୍ଯ୍ୟରେ ଆତ୍ମ ନିବେଦନ ରୂପକ ନବମ ଭକ୍ତି ଆପଣଙ୍କ ମନସ୍କାମନା ପୂରଣ କରିବ। ଜ୍ଞାନଦାତା ହେବେ।
ମକର: ଏକାଧିକ ଶୁଭ ବାର୍ତ୍ତା ଆପଣଙ୍କ ମନ ଓ ହୃଦୟକୁ ପ୍ରଫୁଲ୍ଲିତ କରିବ। ଶ୍ରୀଚନ୍ଦ୍ର ଭୋଗ ହେତୁ ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ସୁସ୍ଥ ଓ ନିରାମୟ ରହିବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ।
କୁମ୍ଭ: ଆର୍ଥିକ ସ୍ଥିତି ପିଛିଳରୁ ସ୍ବଚ୍ଛଳ ହେବାର ସମୟ ଉପସ୍ଥିତ। ଶୁଭକାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। ଜୀବନର ସମ୍ମୋହନ ମହାପ୍ରଭୁଙ୍କ ଶରଣାଗତ ହେବେ। ସରକାରୀ ସ୍ତରରୁ ଲାଭ ଉଠାଇ ପାରନ୍ତି।
ମୀନ: ନାନା ସୁଖର ଅଧିକାରୀ ହେବେ। ବିଶାଳ ଯଶ ଅର୍ଜନ କରିପାରନ୍ତି। ଦାନାନୁରକ୍ତ ହେବେ। ଶତ୍ରୁ ଉପରେ ବିଜୟ ହାସଲ କରିପାରନ୍ତି। ସୁସ୍ଥ ଓ ନିରାମୟ ରହିବେ। ମିତ୍ର ଓ ସରକାରୀ ସ୍ତରରୁ ଧନ ଲାଭ ହେବ।