ଲଣ୍ଡନ : ବ୍ରିଟେନର ଏସିଆ ଭଏସ ୱିକ୍ଲି ପକ୍ଷରୁ ଅଭିନେତା-ରାଜନେତା ଶତ୍ରୁଘ୍ନ ସିହ୍ନାଙ୍କୁ ଜୀବନବ୍ୟାପୀ ସାଧନା ପୁରସ୍କାରରେ ସମ୍ମାନିତ କରାଯାଇଛି। ଗୁରୁବାର ବ୍ରିଟିଶ ପାର୍ଲାମେଣ୍ଟ କମ୍ପ୍ଲେକ୍ସରେ ଆୟୋଜିତ ଏକ ଉତ୍ସବରେ ଶତ୍ରୁଘ୍ନ ସିହ୍ନାଙ୍କୁ ପୁରସ୍କୃତ କରାଯାଇଥିଲା। ଏହି ଅବସରରେ ଏକାଧିକ ବ୍ରିଟିଶ ପାର୍ଲାମେଣ୍ଟେରିଆନ, ଶିଳ୍ପପତି, ଶିକ୍ଷାବିତ୍ ଓ ବ୍ରିଟିଶ ସେନାର ବରିଷ୍ଠ ଅଧିକାରୀ ଯୋଗଦେଇଥିଲେ। ବଲିଉଡରେ ଦୁଇଶହରୁ ଊର୍ଦ୍ଧ୍ବ ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟତା ଅର୍ଜନ କରିବାପରେ ଶତ୍ରୁଘ୍ନ ସିହ୍ନା ବିଜେପିରେ ଯୋଗଦେଇ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ। ବର୍ତ୍ତମାନ ସେ ବିହାରର ପାଟନା ସାହେବ ଆସନରୁ ଲୋକସଭାକୁ ପ୍ରତିନିଧିତ୍ୱ କରୁଛନ୍ତି।
