ମାଲାପୁରମ : ଗତମାସରେ ମାଲାୟଲମ ଚଳଚ୍ଚିତ୍ର ଅଭିନେତ୍ରୀ ପ୍ରିୟା ପ୍ରକାଶ ଭାରିୟର ନିଜର ଆଖିନଚା ଦୃଶ୍ୟକୁ ନେଇ ସାମାଜିକ ଗଣମାଧ୍ୟମରେ ରାତାରାତି ଲୋକପ୍ରିୟତା ହାସଲ କରିଥିଲେ। ବର୍ତ୍ତମାନ କେରଳରେ ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ପ୍ରିୟାଙ୍କ ଏହି ଦୃଶ୍ୟକୁ ଦଳୀୟ ପୋଷ୍ଟରରେ ସ୍ଥାନିତ କରିଥିବା ଜଣାପଡିଛି। ମାର୍ଚ୍ଚ ପହିଲାରୁ ଏଠାରେ ଏଆଇଏସଏଫ୍ (ସିପିଆଇର ଯୁବ ବାହିନୀ) ବାର୍ଷିକ ସମ୍ମିଳନୀ ଆରମ୍ଭ ହୋଇଥିବାବେଳେ ପ୍ରିୟାଙ୍କ ଏହି ପୋଷ୍ଟର ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ମାଲାୟଲମ ଚଳଚ୍ଚିତ୍ର ‘ଓରୁ ଅଦର ଲଭ୍’ରେ ପ୍ରିୟାଙ୍କ ଏହି ଆଖିନଚା ଦୃଶ୍ୟକୁ କୋଟି କୋଟି ଦର୍ଶକ ପ୍ରଂଶସା କରିଥିବାବେଳେ ହାଇଦରାବାଦର ଏକ ମୁସଲମାନ ସଂଗଠନ ପକ୍ଷରୁ ତାଙ୍କ ବିରୋଧରେ ଏତଲା ଦାଏର କରାଯାଇଛି।
