ସନ୍ତୋଷ ଟ୍ରଫି ଫୁଟବଲ, ପଞ୍ଜାବକୁ ହରାଇଲା ଓଡ଼ିଶା

କଟକ: ଜାତୀୟ ଫୁଟବଲର ସର୍ବୋଚ୍ଚ ପ୍ରତିଯୋଗିତା ସନ୍ତୋଷ ଟ୍ରଫି ଫୁଟବଲର ୭୭ତମ ସଂସ୍କରଣରେ ଓଡ଼ିଶା ପ୍ରଥମ ବିଜୟ ହାସଲ କରିଛି। ବୁଧବାର ପଞ୍ଜାବର ଫଗୱାରାରେ ଗ୍ରୁପ-ବି ମ୍ୟାଚରେ ଓଡ଼ିଶା ୧-୦ ଗୋଲରେ ପଞ୍ଜାବକୁ ପରାସ୍ତ କରିଛି। ପ୍ରଥମାର୍ଦ୍ଧ ଗୋଲଶୂନ୍ୟ ରହିଥିଲା। ଦ୍ବିତୀୟାର୍ଦ୍ଧ ତଥା ଖେଳର ୭୫ ମିିନିଟ୍‌ରେ ଓଡ଼ିଶା ପକ୍ଷରୁ କାର୍ତ୍ତିକ ହନ୍ତାଳ ଏକମାତ୍ର ଗୋଲ ଦେଇ ଦଳକୁ ବିଜୟୀ କରାଇଥିଲେ। ପ୍ରଥମ ମ୍ୟାଚରେ ଓଡ଼ିଶା ୦-୨ ଗୋଲରେ ବଙ୍ଗଳା ନିକଟରୁ ପରାଜିତ ହୋଇଥିବାବେଳେ ୩ୟ ମ୍ୟାଚ ୧୩ରେ ଲଦାକ୍‌ ସହିତ ଖେଳିବ।