ମୁମ୍ବଇ : ସଞ୍ଜୟ ଦତ୍ତଙ୍କ ଅଭିନୀତ ଚଳଚ୍ଚିତ୍ର ‘ପ୍ରସ୍ଥାନମ’ର ଟ୍ରେଲର ରିଲିଜ ହୋଇଛି। ‘ଦେବ କଟ୍ଟା’ଙ୍କ ନିର୍ଦେଶନାରେ ଏହି ଚଳଚ୍ଚିତ୍ରଟି ନିର୍ମାଣ ହୋଇଥିବାବେଳେ ଏଥିରେ ସଙ୍ଗିତ ନିର୍ଦେଶନାର ଗୁରୁଦାୟିତ୍ବ ବହନ କରିଛନ୍ତି ‘ଇଲେୟାରାଜା’। ଚଳଚ୍ଚିତ୍ରଟି ତେଲୁଗୁ ସିନେମା ‘ପ୍ରସ୍ଥାନମ’ର ହିନ୍ଦୀ ରିମେକ। ଦୁଇ ମିନିଟ ୩୪ସେକେଣ୍ଡର ଏହି ଟ୍ରେଲରରେ ସଞ୍ଜୟ ଦତ୍ତ ଜଣେ ରାଜନେତା ଭୂମିକାରେ ନଜର ଆସିଛନ୍ତି। ତାଙ୍କର ୨ପୁଅ ଓ ସେ ତାଙ୍କର ରାଜନୈତିକ ସାମ୍ରାଜ୍ୟର ଉତ୍ତରାଧିକାରୀ ଅଲୀ ଫଜଲଙ୍କୁ କରିବାକୁ ଚାହୁଁଛନ୍ତି। କିନ୍ତୁ ତାଙ୍କର ଆଉ ଜଣେ ପୁଅ ଏହାକୁ ହାତେଇବାକୁ ଚାହୁଁଛନ୍ତି। ଏହି କାରଣକୁ କେନ୍ଦ୍ର କରି ତାଙ୍କ ଘରେ କଳହ ସୃଷ୍ଟି ହେଉଛି। ଯାହା ଟ୍ରେଲର ଦେଖିବାପରେ ଆପଣ ସ୍ପଷ୍ଟ ଜାଣିପାରିବେ।
‘ପ୍ରସ୍ଥାନମ’ରେ ସଞ୍ଜୟ ଦତ୍ତଙ୍କ ବ୍ୟତୀତ ମନୀଷା କୋଇରାଲା, ଜ୍ୟାକି ଶ୍ରଫ, ଚଙ୍କି ପାଣ୍ଡେ, ଅଲୀ ଫଜଲ, ଅମାୟରା ଦସ୍ତୁର ଅନ୍ୟନ୍ୟ ଭୂମିକାରେ ଅଭିନୟ କରୁଥିବା ନଜର ଆସିବେ। ଏହି ଚଳଚ୍ଚିତ୍ର ଚଳିତ ବର୍ଷ ସେପ୍ଟେମ୍ବର ୨୦ରେ ମୁକ୍ତିଲାଭ କରିବ।
Comments are closed.