ସମ୍ବଲପୁର : ସମ୍ବଲପୁରର ପୂର୍ତ୍ତ ବିଭାଗରେ କାର୍ୟ୍ୟରତ ବରିଷ୍ଠ କିରାଣୀ ହରେକୃଷ୍ଣ ନାୟକ (୫୦) ମହାନଦୀ ଉପରେ ରହିଥିବା ଦ୍ୱିତୀୟ ପୋଲ ଉପରୁ ତଳକୁ ଡେଇଁ ଆତ୍ମହତ୍ୟା କରିଥିବାର ପ୍ରାଥମିକ ତଦନ୍ତରୁ ଜଣାପଡିଛି । ବରିଷ୍ଠ କିରାଣୀ ନାୟକ ସବୁ ଦିନ ଭଳି ଆଜି ସକାଳୁ ପ୍ରାୟ ୯ଟା ୪୫ ମିନିଟରେ କାର୍ୟ୍ୟାଳୟକୁ ଯିବା ପାଇଁ ଜିଲା ସ୍କୁଲ ଛକ ନିକଟସ୍ଥ ସରକାରୀ ବାସଭବନରୁ ବାହାରି ଥିଲେ । ତେବେ ସେ କାର୍ୟ୍ୟାଳୟକୁ ନ ଯାଇ ପ୍ରାୟ ସାଢେ ୧୦ଟା ରେ ମହାନଦୀ ଉପରେ ରହିଥିବା ଦ୍ୱିତୀୟ ପୋଲ ଉପରୁ ତଳକୁ ଡେଇଁ ଥିବାର କୁହାଯାଉଛି । ଖବର ଜଣାପଡିବା ପରେ ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳକୁ ଯାଇ ମୃତକଙ୍କ ଶବକୁ ପ୍ରାୟ ୧୨ଟାରେ ଉଦ୍ଧାର କରିଥିଲେ । ଏବେ ମହାନଦୀରେ ବନ୍ୟା ଜଳ ନିଷ୍କାସନ ଜାରି ଥିବାରୁ ଅଗ୍ନିଶମ ବିଭାଗ ଏକ ମୋଟର ଚ।ଳିତ ନୌକାରେ ନଦୀ ମଝିରେ ଥିବା ପଥର ନିକଟକୁ ଯାଇ ବହୁ କଷ୍ଟରେ ମୃତଦେହକୁ ଉଦ୍ଧର କରିଥିଲେ । ତେବେ ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ ବୁର୍ଲା ପୁଲିସ ଶବକୁ ହେପାଜତରେ ନେଇ ବ୍ୟବଚ୍ଛେଦ ପାଇଁ ପଠାଇଛି । ମୃତ ନାୟକ ଙ୍କ ପତ୍ନୀ ଓ ଏକ ପୁତ୍ର ଅଛନ୍ତି । ଏ ନେଇ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
Popular Categories
Previous article
Next article