ସମ୍ବଲପୁର : ସମ୍ବଲପୁରର ବୁର୍ଲା ଜୁଣାପାଣି କୁଷ୍ଠ କଲୋନୀର ବାସିନ୍ଦା ମାନେ କଲୋନୀରେ ସିଧାସଳଖ ଭତ୍ତା ପ୍ରଦାନ ପାଇଁ ଦାବି କରିଛନ୍ତି। ଜିଲାପାଳଙ୍କୁ ସୋମବାର ପ୍ରଦତ୍ତ ଦାବିପତ୍ର ଅନୁଯାୟୀ, କଲୋନୀରେ ବାର୍ଦ୍ଧକ୍ୟ, ବିକଳାଙ୍ଗ କୁଷ୍ଟ ରୋଗରେ ଆକ୍ରାନ୍ତ ଭିନ୍ନକ୍ଷମ ବ୍ୟକ୍ତି ମାନେ ନିବାସ କରୁଛନ୍ତି। ସେମାନଙ୍କୁ ବ୍ୟାଙ୍କକୁ ଯିବା ଆସିବାରେ ବେଶ ଅସୁବିଧା ହେଉଥିବା ବେଳେ ଅନେକ ସମୟରେ ସାଧାରଣ ଲୋକଙ୍କ ଘୃଣା ଓ ହୀନ ଦୃଷ୍ଟିର ଶିକାର ହେବାକୁ ମଧ୍ୟ ପଡୁଛି। ଅନେକ ବ୍ୟକ୍ତିଙ୍କ ହାତ ଗୋଡ ଭାଙ୍ଗି ବିକଳାଙ୍ଗ ହୋଇଥିବାରୁ ସେମାନଙ୍କର ଆଧାର ପରିଚୟ ପତ୍ର ମଧ୍ୟ ହୋଇପାରି ନାହିଁ। ଏଣୁ କଲୋନୀ ନିବାସୀଙ୍କ ଅସୁବିଧାକୁ ଧ୍ୟାନରେ ରଖି ସେମାନଙ୍କର ଭତ୍ତା ଟଙ୍କାକୁ କଲୋନୀରେ ସିଧାସଳଖ ପ୍ରଦାନ କରିବାକୁ ସେମାନେ ଦାବି କରିଛନ୍ତି।
Comments are closed.