ସମ୍ବଲପୁର: ସମ୍ବଲପୁର ଉପକଣ୍ଠ କବରାପାଲି ନିକଟରେ ଜଣେ ବ୍ୟକ୍ତିଙ୍କୁ ପୁଲିସ ଚେକିଂ ସମୟରେ ଧରିବା ସହ ତା ନିକଟରୁ ଗଞ୍ଜେଇ ଜବତ କରିଛି । ସୂଚନା ଅନୁଯାୟୀ, ପୁଲିସ ପାଟ୍ରୋଲିଂ ସମୟରେ ବିଶ୍ୱସ୍ଥସୂତ୍ରରୁ ଖବର ପାଇ ଏକ ଯାତ୍ରୀବାହୀ ବସକୁ କବରପାଲି ଠାରେ ଅଟକାଇ ଥିଲା । ଉକ୍ତ ବସରେ ଯାତ୍ରା କରୁଥିବା ସୁବର୍ଣ୍ଣପୁର ଜିଲା ଉଲୁଣ୍ଡା ଥାନା ଅନ୍ତର୍ଗତ ଝାରପଡା ନିବାସୀ ଚିତ୍ତରଞ୍ଜନ ବେହେରା (୨୨) ଙ୍କୁ ସନ୍ଦେହରେ ଯାଞ୍ଚ କରିଥିଲେ । ଯାଞ୍ଚ ସମୟରେ ଏକ ବ୍ୟାଗରେ ୮ କିଗ୍ରା ଗଞ୍ଜେଇ ପୁଲିସ ଜବତ କରିଥିଲା । ଯୁବକ ଜଣକ ବାରିପଦା ଅଞ୍ଚଳକୁ ବସରେ ଯାଉଥିଲେ । ପୁଲିସ ଏହା ଜାଣିପାରି ଯାଞ୍ଚ କରିବା ସହ ତାଙ୍କ ନିକଟରୁ ବେଆଇନ ଗଞ୍ଜେଇ ସମେତ ଗୋଟିଏ ମୋବାଇ ଓ ୨ ଶହ ଟଙ୍କା ଜବତ କରିଛି । ଏ ସମ୍ପର୍କରେ ସଦର ଥାନାରେ ଏକ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ ଗିରଫ କରି ଅଦାଲତକୁ ଚାଲାଣ କରାଯାଇଛି ।
Comments are closed.