ସମ୍ବଲପୁର: ଜେଲରେ ଥିବା ଜଣେ କଏଦୀଙ୍କ ଘରୁ ବିପୁଳ ପରିମାଣ ମାରଣାସ୍ତ୍ର ଜବତ ହୋଇଛି। ଗୋଟିଏ ଏୟାର ଗନ୍, ଗୋଟିଏ ରିଭଲଭର୍, ଦୁଇଟି ଖଣ୍ଡା, ଗୋଟିଏ ବଡ ଛୁରୀ, ଡେଟୋନଟର, ଦୁଇଟି ହାତ ତିଆରି ବୋମା, ୩ ବୋତଲ କୋରେକ୍ସ ଏବଂ ଜେଲୋଟିକ୍ ଷ୍ଯିକ୍ ଆଦି ପୁଲିସ ଜବତ କରିଛି। ଘଟଣାସ୍ଥଳରୁ କଏଦୀଙ୍କ ପତ୍ନୀ ଫେରାର ହୋଇଯାଇଥିବା ବେଳେ ଚଢଉ ବେଳେ ତାଙ୍କ ମା ଉପସ୍ଥିତ ଥିଲେ । ଏହା ସହ ଘରୁ ଦୁଇଟି ବନ୍ଦ ଥିବା ଆଲମିରା ଜବତ ହୋଇଛି।
ସୂଚନାଯୋଗ୍ୟ, କଏଦୀ ରଞ୍ଜନ ମହାରଣା(୪୮) ଗତ ୧୦ ତାରିଖରେ କୋରେକ୍ସ କାରବାର ମାମଲାରେ ସଦରଥାନା ପୁଲିସ ଦ୍ବାରା ଗିରଫ ହୋଇଥିଲେ । କୌଣସି ସୂତ୍ରରୁ ଖବର ପାଇଁ ପୁଲିସ ଆଜି ତାଙ୍କ ଘରେ ଚଢଉ କରିଥିଲା।
