ଦକ୍ଷିଣ ଭାରତୀୟ ଚଳଚ୍ଚିତ୍ର ଶିଳ୍ପର ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ସର୍ବଦା ଚର୍ଚ୍ଚାରେ ଥାଆନ୍ତି। ସେ ତାଙ୍କ ସିନେମା ପାଇଁ ହେଉ କିମ୍ବା ତାଙ୍କ ଲୁକ୍ ପାଇଁ। ତେବେ ଗତ କିଛି ଦିନ ହେବ ସାମନ୍ଥା ତାଙ୍କ ଆଗାମୀ ୱେବ ସିରିଜ୍ ‘ସିଟାଡେଲ୍’କୁ ନେଇ ଚର୍ଚ୍ଚାରେ। ବରୁଣ ଧୱନଙ୍କ ସହ ଏହି ଆକ୍ସନ ସିରିଜ୍ ଶୁଟିଂରେ ବ୍ୟସ୍ତ ଥିବା ସାମନ୍ଥା ଆଜି ଫିଲ୍ମ କିମ୍ବା ଲୁକ୍ ପାଇଁ ନୁହେଁ, ବରଂ ଆଉ କିଛି ପାଇଁ ଚର୍ଚ୍ଚାରେ, ଯାହା ସମସ୍ତଙ୍କୁ ନିଜ ସ୍କୁଲ ଦିନ କଥା ମନେପକାଇ ଦେବ। କିଛି ଦିନ ତଳେ ମଡେଲିଂ ସମୟର କଳା-ଧଳା ଫଟୋ ଭାଇରାଲ ହେବା ପରେ ଏବେ ସାମାଜିକ ଗଣମାଧ୍ୟମରେ ସାମନ୍ଥାଙ୍କ ଦଶମ ଶ୍ରେଣୀର ମାର୍କସିଟ୍ ଫଟୋ ଭାଇରାଲ୍ ହୋଇଛି। ଏଥିରେ ଅଭିନେତ୍ରୀ ନିଜେ ମଧ୍ୟ ପ୍ରତିକ୍ରିୟା ଦେଇଛନ୍ତି।
ନିଜ ଅଭିନୟ ଦକ୍ଷତା ପାଇଁ ସର୍ବଦା ପ୍ରଶଂସା ସାଉଁଟୁଥିବା ଅଭିନେତ୍ରୀଙ୍କ ଭାଇରାଲ୍ ରିପୋର୍ଟ କାର୍ଡ଼ ଦେଖି ଏହା କହିବା ଭୁଲ ହେବନାହିଁ ଯେ, ସେ ତାଙ୍କ ସ୍କୁଲ୍ ସମୟରେ ଜଣେ ଉତ୍ତମ ଛାତ୍ରୀ ଥିଲେ। ତେବେ ପ୍ରଶ୍ନ ଉଠୁଛି ଯେ, କ’ଣ ଏହି ରିପୋର୍ଟ କାର୍ଡ଼ ସତରେ ସାମନ୍ଥାଙ୍କର ନା ଫଟୋଶପ୍ର କରାମତି।
Ha ha this has surfaced again 😁❤️ Awww https://t.co/UMQlxH1dsX
— Samantha (@Samanthaprabhu2) May 29, 2020
ନିକଟରେ କରିଥିବା ଏକ ଟ୍ବିଟ୍ରେ ସାମନ୍ଥା ନିଜ ରିପୋର୍ଟ କାର୍ଡ଼ର ଭାଇରାଲ ଫଟୋ ଶେୟାର କରିଛନ୍ତି, ଯେଉଁଥିରୁ ସ୍ପଷ୍ଟ ଜଣାପଡ଼ୁଛି ସେ ଜଣେ ବିଚକ୍ଷଣ ଛାତ୍ରୀ ଥିଲେ। ଏହି ରିପୋର୍ଟ କାର୍ଡ ଅନୁଯାୟୀ, ସାମନ୍ଥାଙ୍କୁ ସମସ୍ତ ବିଷୟରେ ୮୦ରୁ ଅଧିକ ମାର୍କ ମିଳିଛି। କେବଳ ଏତିକି ନୁହେଁ ଗଣିତରେ ସାମନ୍ଥା ୧୦୦ରୁ ୧୦୦ ନମ୍ବର ରଖିଛନ୍ତି। ଏଥିସହ ରିପୋର୍ଟ କାର୍ଡରେ ଅଭିନେତ୍ରୀଙ୍କୁ ଶିକ୍ଷକ ଦେଇଥିବା ମନ୍ତବ୍ୟ ମଧ୍ୟ ଉତ୍କୃଷ୍ଟ ଥିଲା। ଶିକ୍ଷକ ଲେଖିଥିଲେ, ‘‘ସାମନ୍ଥା ପରୀକ୍ଷାର ବହୁତ ଭଲ କରିଛନ୍ତି। ସେ ସ୍କୁଲର ଗର୍ବ ଓ ଗୌରବ।’’ ଏହାକୁ ଶେୟାର କରି ସାମନ୍ଥା ତାଙ୍କ ଟ୍ବିଟର ହ୍ୟାଣ୍ଡେଲରେ ଲେଖିଛନ୍ତି, ‘‘ହା ହା.. ଏହା ପୁଣି ଭାଇରାଲ୍ ହୋଇଗଲା..।’’ ଏଥିରୁ ସ୍ପଷ୍ଟ ଯେ, ଏହା ସାମନ୍ଥାଙ୍କର ହିଁ ମାର୍କସିଟ୍।
ଲିକ୍ ହୋଇଥିବା ରିପୋର୍ଟ କାର୍ଡ କେବଳ ତାଙ୍କ ପ୍ରଶଂସକଙ୍କୁ ଚକିତ କରିନାହିଁ ବରଂ ଅଭିନେତ୍ରୀଙ୍କ ମାର୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ ମଧ୍ୟ କରିଛି। ସାମନ୍ଥାଙ୍କ ଏହି ଟ୍ବିଟ୍ରେ ପ୍ରଶଂସକମାନେ ଅନେକ କମେଣ୍ଟ ଦେଇଛନ୍ତି। କମେଣ୍ଟ ବକ୍ସରେ ପ୍ରଶଂସକମାନେ ଅଭିନେତ୍ରୀ ପାଠପଢାରେ ହାସଲ କରିଥିବା ସଫଳତା ସହ ଅଭିନୟ ଦକ୍ଷତାର ମଧ୍ୟ ପ୍ରଶଂସା କରିଛନ୍ତି। ସୋସିଆଲ ମିଡିଆରେ ଏହି ରିପୋର୍ଟ କାର୍ଡ ଶେୟାର କରିଥିବା ପ୍ରଶଂସକ ସାମନ୍ଥାଙ୍କୁ ତାଙ୍କ ଜୀବନର ସବୁ କ୍ଷେତ୍ରରେ ଟପ୍ପର ବୋଲି କହି ପ୍ରଶଂସା କରିଛନ୍ତି।
Comments are closed.