ଡେସ୍କ: ମୃତ ପୁଅର ହତ୍ୟାକାରି ମାନଙ୍କୁ ଗିରଫ ଓ କଠୋର କାର୍ଯ୍ୟାନୁଷ୍ଠାନ ଦାବିରେ କଟକ ଜିଲ୍ଲା ସାଲେପୁର ଥାନା ସମ୍ମୁଖରେ ବାପା, ମା’ ଓ ଭଉଣୀ ଅନିର୍ଦ୍ଧିଷ୍ଟ କାଳ ପାଇଁ ଧାରଣା ଦେଇଛନ୍ତି। ଇତି ମଧ୍ୟରେ ଘଟଣାକୁ ୧୨ ଦିନ ବିତିଯାଇଥିଲେ ମଧ୍ୟ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବାରୁ ପରିବାର ଲୋକେ ଧାରଣା ଦେଇଛନ୍ତି।
ପୁଅ ହତ୍ୟାକାରୀକୁ ଗିରଫ ଦାବିରେ ବାପା, ମା' ଓ ଭଉଣୀର ଅନିର୍ଦ୍ଧିଷ୍ଟ କାଳ ପାଇଁ ଧାରଣା pic.twitter.com/n34esNhaEa
— Samaja Live (@samajalive) September 25, 2024
ସୂଚନା ଅନୁଯାୟୀ, କିଶନ ନଗର ଅଂଚଳର ମୁଗୁରିଆ ଗ୍ରାମର ବିଶ୍ଵଜିତ ମହାନ୍ତି ନାମକ ଯୁବକ ସାଲେପୁରର ଏକ ଆଇଟିସି ନାମକ ଘରୋଇ ବ୍ୟବସାୟିକ ସଂସ୍ଥାରେ କ୍ୟାସିୟର ଭାବେ କାର୍ଯ୍ୟ କରୁଥିଲେ। ଚଳିତ ମାସ ୧୧ ତାରିଖରୁ ସେ ନିଖୋଜ ଥିଲେ।ପରବର୍ତ୍ତି ଅବସ୍ଥାରେ ତାଙ୍କ କ୍ଷତାକ୍ତ ମୃତ ଦେହ ନିଶ୍ଚିନ୍ତକୋଇଲିର ଆଠ ନମ୍ବର କେନାଲରୁ ମିଳିଥିଲା। ଘଟଣା ଘଟିବାର ୧୩ ଦିନ ବିତିଯାଇଥିଲେ ମଧ୍ୟ ଘଟଣାରେ ସଂପୃକ୍ତ ଥିବା ବ୍ୟକ୍ତିଙ୍କୁ ଧରିବାରେ ପୁଲିସ ବିଫଳ ହୋଇଥିବାରୁ ଏହାର ପ୍ରତିବାଦରେ ପରିବାର ସଦସ୍ୟ ଓ ଗ୍ରାମବାସୀ ସାଲେପୁର ଥାନା ସମ୍ମୁଖରେ ଧାରଣା ଦେଇଛନ୍ତି।
Comments are closed.