ସାକ୍ଷୀଗୋପାଳ: ପୁରୀ ଜିଲା ସତ୍ୟବାଦୀ ଥାନା ଅନ୍ତର୍ଗତ ଚିଲ ପାଟଣା ଗ୍ରାମ ନିକଟରେ ଭାର୍ଗବୀ ନଦୀ କୂଳରୁ ଜଣେ ଅଜଣା ମହିଳାଙ୍କ ମୃତଦେହ ପୁଲିସ ଉଦ୍ଧାର କରିଛି। ମହିଳାଙ୍କ ମୃତଦେହ ଅଖାରେ ବନ୍ଧା ହୋଇ ଭାର୍ଗବୀ ନଦୀ କୂଳରେ ପଡ଼ି ରହିଥିଲା। ମୃତା ମହିଳାଙ୍କ ପରିଚୟ ମିଳି ନଥିବା ବେଳେ ଏହା ଏକ ହତ୍ୟାକାଣ୍ଡ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି।
ଆଜି ନଦୀ କୂଳ ନିକଟ ଗ୍ରାମର ଜଣେ ବ୍ୟକ୍ତି ଶୌଚ ହେବାକୁ ଯାଇଥିବାବେଳେ ଅଖାରେ ବନ୍ଧା ହୋଇ ପଡ଼ିରହିଥିବା ମହିଳାଙ୍କ ମୃତଦେହ ଦେଖି ଭୟଭୀତ ହୋଇ ଡାକ ପକାଇଥିଲେ।
ତାଙ୍କର ଡାକ ଶୁଣି ସ୍ଥାନୀୟ ଅଞ୍ଚଳର ଲୋକେ ସେଠାରେ ପହଞ୍ଚିଥିଲେ ଏବଂ ସତ୍ୟବାଦୀ ପୁଲିସକୁ ଖବର ଦେଇଥିଲେ। ଖବର ପାଇ ସତ୍ୟବାଦୀ ପୁଲିସ ଘଟଣା ସ୍ଥଳରେ ପହଞ୍ଚି ମହିଳାଙ୍କ ମୃତହେକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପୁରୀ ପଠାଇଥିଲେ। ଏ ସଂକ୍ରାନ୍ତରେ ଏକ ମାମଲା ରୁଜୁ କରି ପୁଲିସ ତଦନ୍ତ ଜାରି ରଖିଥିବା ସୂଚନା ଦେଇଛି।
Comments are closed.