ଗୁଜରାଟ: ଗୁଜରାଟର ଅହମ୍ମଦାବାଦରେ ‘ଅଲ ଇଣ୍ଡିଆ ପ୍ରତିନିଧି ସଭା’ ଆରମ୍ଭ ହୋଇଛି । ଆଜି କର୍ନାବାଟୀରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ଏହାକୁ ଆରମ୍ଭ କରିଛି । ଏହି କାର୍ଯ୍ୟକ୍ରମ ୩ ଦିନ ଯାଏ ଚାଲିବ । ଏଥିରେ ସଂଗଠନର ଶତବାର୍ଷିକୀ ପାଳନ ପାଇଁ ପ୍ରସ୍ତୁତି ହେଉଥିବା ଜଣାପଡ଼ିଛି । ୨୦୨୫ ମସିହାରେ ଶତବାର୍ଷିକୀ ପର୍ୟ୍ୟନ୍ତ ସଂଗଠନର ଶାଖାର ଦ୍ୱିଗୁଣିତ ହେବା ଭଳି ସମସ୍ତ ଜାତୀୟ ତଥା ଆନ୍ତର୍ଜାତୀୟ ପ୍ରସଙ୍ଗ ଉପରେ ଆଲୋଚନା କରାଯିବ। ସଂଗଠନର ଅଧିକାରୀମାନେ ଏହି କାର୍ଯ୍ୟକ୍ରମରେ ସାମିଲ ହୋଇ ଆଲୋଚନା କରିବେ।ବୈଠକରେ ଶିକ୍ଷାନୁଷ୍ଠାନଗୁଡ଼ିକରେ ଡ୍ରେସ୍ କୋଡ୍ (ହିଜାବ୍ ରୋ) ଭଳି ପ୍ରସଙ୍ଗକୁ ନେଇ ଆଲୋଚନା ହେବା ନେଇ ସୂଚନା ମିଳିଛି ।
କରୋନା କାରଣରୁ ଚଳିତ ବର୍ଷ ଏପ୍ରିଲରୁ ଦୁଇ ବର୍ଷ ପରେ ଶିକ୍ଷାର ସାଧାରଣ କାର୍ଯ୍ୟ ଉପରେ ନିଷ୍ପତ୍ତି ନିଆଯିବ । ଗତ ଦୁଇ ବର୍ଷ ଧରି କରୋନା ମହାମାରୀ କ଼ାରଣରୁ ଆରଏସଏସର ସଂଘ ଶିକ୍ଷା ବର୍ଗ -ତୃତୀୟ ବର୍ଷ ଆୟୋଜିତ ହୋଇନଥିଲା । ଯାହା ମଧ୍ୟ ଶେଷ ହେବା ପାଇଁ ନିଷ୍ପତ୍ତି ନିଆଯିବ । ପରିବାରର ସଚେତନତା, ପରିବେଶ ସୁରକ୍ଷା, ସଚେତନତା କାର୍ଯ୍ୟକ୍ରମ ଭଳି ସଂଗଠନର ୧୦୦ ବର୍ଷ ପୂରଣକୁ ସ୍ମରଣ କରିବା ପାଇଁ ଚାଲିଥିବା ସମସ୍ତ କାର୍ଯ୍ୟକ୍ରମର ଅଗ୍ରଗତି ରିପୋର୍ଟ ଉପରେ ଏହି ବୈଠକରେ ଆଲୋଚନା ହେବ ।
ଏହି ବୈଠକରେ ବିଜେପି ତରଫରୁ ସଂଗଠନର ସାଧାରଣ ସଚିବ ବି.ଏଲ୍ ସାନ୍ତୋଶ ଏବଂ ଦଳର ସଭାପତି ଜେପି ନଡ୍ଡା ଯୋଗଦେବାର କାର୍ଯ୍ୟକ୍ରମ ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଆଜି ଅହମ୍ମଦାବାଦ ଗସ୍ତରେ ରହିଛନ୍ତି ।
