କଣ୍ଟାବାଞ୍ଜି – କିଛି ଦିନ ନୀରବତା ପରେ ଲୁଟେରା ମାନେ କଣ୍ଟାବାଞ୍ଜି ସହରରେ ସକ୍ରିୟ ହୋଇଥିବା ଦେଖିବାକୁ ମିଳିଛି । ଶୁକ୍ରବାର ଦିନ ଦ୍ଵିପହରରେ ଜଣେ ବୃଦ୍ଧାଙ୍କ ଠାରୁ ୧ ଲକ୍ଷ ୯୯ ହଜାର ଟଙ୍କା ଝାମ୍ପି ନେଇ ଲୁଟେରା ଚମ୍ପଟ ମାରିଛନ୍ତି । କଣ୍ଟାବାଞ୍ଜି ପୋଲିସ ଘଟଣାର ଖବର ପାଇ ଅଧିକ ତଦନ୍ତ ଆରମ୍ଭ କରିଛି । କଣ୍ଟାବାଞ୍ଜି ଥାନା ଡଙ୍ଗାମରା ଗାଁର ସମ୍ବାରୁ ପନିକା ସ୍ଥାନୀୟ ଏସବିଆଇ ବ୍ୟାଙ୍କରୁ ୧ ଲକ୍ଷ ୯୯ ହଜାର ଟଙ୍କା ବାହାର କରି ନିଜ ଲୁନା ଗାଡି ରେ ଟଙ୍କା ଭର୍ତି ବ୍ୟାଗ ରଖିଥିଲେ ।
ସମ୍ବାରୁ ବ୍ୟାଙ୍କରୁ କିଛି ଦୂରକୁ ଯିବା ବେଳେ ଦୁଇ ଜଣ ମୁଣ୍ଡ ଓ ମୁହଁରେ କପଡା ବାନ୍ଧି ଗୋଟିଏ ବାଇକରେ ପଛପଟୁ,ଆସି ସମ୍ବାରୁଙ୍କୁ ଅଟକେଇ ଟଙ୍କା ଭର୍ତି ଥିବା ବ୍ୟାଗ ନେଇ ଫେରାର ହୋଇଯାଇଥିଲେ ।ଏହି ଦିନ ପ୍ରାୟ ଗୋଟାଏ ତିରିଶ ସମୟ ମଧ୍ୟରେ ଗୋବର୍ଦ୍ଧନ ପାନ ଦୋକାନ ରାସ୍ତା ରେ ଘଟିଥିବା ଜଣାପଡିଛି । ପୋଲିସ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ କରିବା ସହ ଆଖ ପାଖ ଦୋକାନର ସିସି ଟିଭି ଯାଞ୍ଚ କରୁଥିବା ଦେଖିବାକୁ ମିଳିଛି ।
Comments are closed.