ରାଉରକେଲା : ୨୧ ଜଣ ପ୍ରବାସୀ ଶ୍ରମିକଙ୍କୁ ରାଉରକେଲା ପ୍ଲାଣ୍ଟସାଇଟ ଥାନା ପୁଲିସ ବସ୍ ଯୋଗେ ସେମାନଙ୍କ ରାଜ୍ୟ ଉତ୍ତରପ୍ରଦେଶର ଫତେପୁର ପଠାଇଛନ୍ତି । ରାଉରକେଲା ବିଶ୍ରା ଛକରେ ପ୍ଲାଣ୍ଟସାଇଟ ଥାନା ପୁଲିସ ସେମାନଙ୍କୁ ଅଟକାଇଥିଲେ ଏବଂ ଖାଦ୍ୟପେୟ ଦେବା ପରେ ବସ୍ ଯୋଗେ ଉତ୍ତରପ୍ରଦେଶ ପଠାଇବାର ବ୍ୟବସ୍ଥା କରିଥିଲେ । ଏହି ଶ୍ରମିକମାନଙ୍କୁ ଜଣେ ଠିକାଦାର ବାରକୋଟରେ ଜାତୀୟ ରାଜପଥ ସମ୍ପ୍ରସାରଣ କାମରେ ଲଗାଇଥିଲେ ।
ଲକଡାଉନ ଯୋଗୁଁ ଠିକାଦାର ଶ୍ରମିକମାନଙ୍କ କଥା ନ ବୁଝିବାରୁ ସେମାନେ ଚାଲି ଚାଲି ଉତ୍ତରପ୍ରଦେଶ ଯାଉଥିଲେ । ରାଉରକେଲା ବିଶ୍ରା ଛକରେ ପ୍ଲାଣ୍ଟସାଇଟ ଥାନା ପୁଲିସ ସେମାନଙ୍କୁ ଅଟକାଇଥିଲେ ଏବଂ ଖାଦ୍ୟ ଦେବା ପରେ ବସ୍ ଯୋଗେ ଉତ୍ତରପ୍ରଦେଶ ପଠାଇବାର ବ୍ୟବସ୍ଥା କରିଥିଲେ । ଓଡିଶା ପୁଲିସ ମହାନିର୍ଦ୍ଦେଶକ ଅଭୟଙ୍କ ନିର୍ଦ୍ଦେଶାନୁସାରେ କୌଣସି ପ୍ରବାସୀ ରାଜ୍ୟରେ ଭୋକ ଉପାସରେ ଚାଲି ଚାଲି ଯିବେ ନାହିଁ । ରାଉରକେଲା ପୁଲିସ ପକ୍ଷରୁ ଏନେଇ ଅଭିଯାନକୁ ତ୍ୱରାନ୍ୱିତ କରାଯାଇଛି । ଗତ ତିନିଦିନ ତଳେ ମୁମ୍ବାଇରୁ ଚାଲି ଚାଲି ଆସିଥିବା ପଶ୍ଚିମବଙ୍ଗ ପୁରୁଲିଆର ଶ୍ରମିକଙ୍କ ଖାଦ୍ୟପେୟ ର ବ୍ୟବସ୍ଥା କରି ବସରେ ସେମାନଙ୍କୁ ପଠାଯାଇଥିଲା । ପଶ୍ଚିମାଞ୍ଚଳ ଡ଼ିଆଇଜି କବିତା ଜଲାନ ଓ ରାଉରକେଲା ଏସପି କେ. ଶିବା ସୁବ୍ରମଣିଙ୍କ ତତ୍ୱାବଧାନରେ ଏହି କାର୍ୟ୍ୟ କରାଯାଉଛି. ପୁଲିସ ପକ୍ଷରୁ ପ୍ରବାସୀମାନଙ୍କୁ ସେମାନଙ୍କ ନିକଟତର ସୀମାନ୍ତରେ ଛାଡି ଦିଆଯାଉଛି ।
Comments are closed.