ରାଉରକେଲା: ସହରରେ ବର୍ଦ୍ଧିତ ସଂକ୍ରମଣ ସଂଖ୍ୟାକୁ ଦୃଷ୍ଟିରେ ରଖି ମହାନଗର ନିଗମର ତିନୋଟି ସ୍ଥାନକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ଏନେଇ ମହାନଗର ନିଗମ ପକ୍ଷରୁ ଘୋଷଣାନାମା ଜାରି ହୋଇଛି। ରାଉରକେଲା ସେକ୍ଟର ୧ର ଦୁଇଟି ଲେନ କ୍ବାର୍ଟର ନମ୍ବର ଏଫ୭୩ରୁ ଏଫ୧୦୩ ଏବଂ କ୍ବାର୍ଟର ନମ୍ବର ଏଫ୧୦୯ରୁ ଏଫ୧୩୨, ସେହିପରି ସେକ୍ଟର ୨୧ ନୟାବଜ଼ାର କ୍ବାର୍ଟର ନମ୍ବର ବି୪୯ରୁ ବି ୬୦ ଏବଂ ବି୬୧ରୁ ବି୭୨, ଦୁଇଟି ଲେନକୁ କଣ୍ଟେନମେଣ୍ଟ ଜୋନ କରାଯାଇଛି। ରାଉରକେଲା ମୁଖ୍ୟମାର୍ଗ ଚୌଧୁରୀ ପେଟ୍ରୋଲ ପମ୍ପ ନିକଟରେ ଥିବା ଖେସ ବିଲ୍ଡିଂ ଲେନ୍କୁ ମଧ୍ୟ ଅବରୋଧ କରାଯାଇ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି। ପରବର୍ତ୍ତୀ ନିର୍ଦ୍ଦେଶ ପର୍ୟ୍ୟନ୍ତ ଏହି କଣ୍ଟେନମେଣ୍ଟ ବଳବତ୍ତର ରହିବ।
ରାଉରକେଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ପ୍ରଶାସନ ପାଇଁ ମୁଣ୍ଡ ବ୍ୟଥାର କାରଣ ହୋଇଛି। ଫଳରେ ମୁକାବିଲା ସହ ଅଧିକ ସଂକ୍ରମଣକୁ ରୋକିବାକୁ ପ୍ରଶାସନ ଅଣ୍ଟା ଭିଡିଛି। ବିଭିନ୍ନ ଅଂଚଳରେ କଣ୍ଟନମେଣ୍ଟ ଜୋନ କରାଯାଇ ସ୍ୱାବ ସଂଗ୍ରହ ତ୍ୱରାନ୍ୱିତ କରାଯାଉଛି। ଗତକାଲି ସହରର କେତେକ ସ୍ଥାନରୁ କଣ୍ଟେନମେଣ୍ଟ ହଟିଥିବା ବେଳେ ଆଜି ନୂତନ କଣ୍ଟେନମେଣ୍ଟ ଜୋନ କରାଯାଇଛି।
