ଭୁବନେଶ୍ୱର: ପୁରୁଣାଭୁବନେଶ୍ବର ବଢ଼େଇବାଙ୍କ ଛକରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ଛକ ମଝିରେ ଜଣେ ଛାତ୍ରୀଙ୍କୁ ଅଟକାଇ ମୁଣ୍ଡରେ ସିନ୍ଦୂର ପିନ୍ଧାଇବା ଯୁବକଙ୍କ ପାଇଁ ମହଙ୍ଗା ପଡ଼ିଛି। ଅଭିଯୁକ୍ତ ଯୁବକକୁ ସ୍ଥାନୀୟ ଲୋକେ ନିସ୍ତୁକ ମାଡ଼ ଦେଇ ପୁଲିସକୁ ଜିମା ଦେଇଛନ୍ତି।
ସୂଚନା ଅନୁଯାୟୀ, ଗୁରୁବାର ଦିନ ପ୍ରାୟ ସାଢ଼େ ୧୨ଟା ବେଳେ ଉକ୍ତ ଛକରେ ଛାତ୍ରୀ ଜଣଙ୍କ ପରୀକ୍ଷା ପାଇଁ ସାଇକଲରେ ଯାଉଥିଲେ। ସେଇ ବାଟ ଦେଇ ଅଭିଯୁକ୍ତ ଯୁବକ ଚାଲି ଚାଲି ଯାଉଥିଲା। ହଠାତ୍ ଛାତ୍ରୀଙ୍କ ସାଇକଲ ଆଗକୁ ଆସି ସେ ସିନ୍ଦୂର ପିନ୍ଧାଇ ଦେଇଥିଲା। ଛାତ୍ରୀ ଜଣଙ୍କ ଏହାର ପ୍ରତିବାଦ କରିବା ସହ ସ୍ଥାନୀୟ ଲୋକେ ଯୁବକକୁ କାବୁ କରି ନେଇ ମାଡ଼ ଦେଇଥିଲେ।
- Advertisement -
ଅଭିଯୁକ୍ତର ଘର ପୁରୀ ଜିଲା ସାକ୍ଷିଗୋପାଳ ଅଞ୍ଚଳରେ ହୋଇଥିବା ବେଳେ ଛାତ୍ରୀଙ୍କ ଘର ପୁରୁଣାଭୁବନେଶ୍ବର ଅଞ୍ଚଳରେ। ପୂର୍ବରୁ ଛାତ୍ରୀ ଯୁବକକୁ କେବେ ଦେଖିନଥିବା କହିଛନ୍ତି। ଅଭିଯୁକ୍ତ ବିରୋଧରେ କେହି ଏତଲା ନଦେବାରୁ ପୁଲିସ ରୋମିଓ ଯୁବକକୁ ଥାନାରୁ ଛାଡ଼ି ଦେଇଥିବା ପ୍ରକାଶ।
