ରେଙ୍ଗାଲିକ୍ୟାମ୍ପ : ଅତାବିରା ଏନଏସି ୱାର୍ଡ ନଂ ୯, ଲାଦରପାଲି ଛକରୁ ଗ୍ରାମ ପର୍ଯ୍ୟନ୍ତ ଯାଇଥିବା ରାସ୍ତା ଏବେ ମଣିଷ ପାଇଁ ବିପଦ ହୋଇ ପଡ଼ିଛି। ୫୩ ନଂ ଜାତୀୟ ରାଜପଥ ଲାଦରପାଲି ଛକରୁ ଯାଇଛି ଗ୍ରାମ ଭିତରକୁ ଏହି ରାସ୍ତା।
ଏହି ରାସ୍ତାରେ ଗର୍ତ୍ତ ସୃଷ୍ଟି ହୋଇଥିବାରୁ ରାସ୍ତାରେ ଯାଉଥିବା ଯାନବାହାନ ଦୁର୍ଘଟଣାର ସମ୍ମୁଖୀନ ହେଉଛନ୍ତି।
ଏହି ରାସ୍ତାରେ ଅରବିନ୍ଦ ସ୍କୁଲ୍, ବିଦ୍ୟୁତ୍ କାର୍ଯ୍ୟାଳୟ, ଆର୍ ଡବ୍ଲୁ ଏସଏସ କାର୍ଯ୍ୟାଳୟ, ରେଜେଷ୍ଟି କାର୍ଯ୍ୟାଳୟ , ଲାଦରପାଲି ପ୍ରାଥମିକ ସ୍କୁଲ ରହିଥିବା ତଥା ଗ୍ରାମକୁ ଦିନ ରାତି ପ୍ରତି ମୁହୂର୍ତ୍ତରେ ଶହ ଶହ ଲୋକ, ଛାତ୍ରଛାତ୍ରୀ ଯିବା ଆସିବା କରିଥାନ୍ତି । ଏହି ରାସ୍ତାରେ ସୃଷ୍ଟି ହୋଇଥିବା ବଡ ଗର୍ତ୍ତ ଯୋଗୁଁ ବାଇକ୍ ଆଦି ଦୁଇଚକିଆ ଯାନକୁ ଅନ୍ୟ ରାସ୍ତାରେ ନେବାକୁ ପଡୁଛି । ବଡ ବଡ ଗାଡ଼ି ଗୁଡ଼ିକ ଗର୍ତ୍ତ ମଧ୍ୟଦେଇ ଯାଉଛି, ତେଣୁ ତାହା ମଧ୍ୟ ଦୁର୍ଘଟଣା ହେବାର ସମ୍ଭାବନା ରହିଛି। ରାସ୍ତାରେ ସତର୍କ ନହେଲେ ଦୁର୍ଘଟଣା ଘଟିବା ସୁନିଶ୍ଚିତ ହେଉଥିବାରୁ ଏହାର ମରାମତି ଜରୁରୀ ହୋଇ ପଡ଼ିଛି। ଏଣୁ ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ଅଞ୍ଚଳବାସୀଙ୍କ ପକ୍ଷରୁ ଦାବି ହେଉଛି।
ରାସ୍ତାରେ ଗର୍ତ୍ତ.. ଦେଉଛି ବାରମ୍ବାର ବିପଦ ସଂକେତ
Popular Categories
Previous article
Next article