ରେଙ୍ଗାଲିକ୍ୟାମ୍ପ: ଲୋକଙ୍କୁ ସେବା ଯୋଗାଇବା ଉଦ୍ଦେଶ୍ୟରେ ଅତାବିରାରେ ଅନେକ ଗୁଡ଼ିଏ ଅନୁଷ୍ଠାନ ଅଣ୍ଟା ଭିଡିଛନ୍ତି । ସେଥି ମଧ୍ୟରୁ ଲାୟଂସ୍ କ୍ଲବ୍ ଅନ୍ୟତମ । ଏହି କ୍ଲବ୍ ବା ଅନୁଷ୍ଠାନର କର୍ମକର୍ତ୍ତା ମାନେ ଅଞ୍ଚଳରେ ବିଭିନ୍ନ ସମୟରେ ଗରିବ, ଅସହାୟ, ରୋଗୀ ମାନଙ୍କ ସେବାରେ ତତ୍ପରତା ପ୍ରକାଶ କରୁଥିବା ଦେଖିବାକୁ ମିଳୁଛି । ଗତକାଲି ପବିତ୍ର ବିଶ୍ଵକର୍ମା ପୂଜା ଅବସରରେ କ୍ଲବର ସଭାପତିଙ୍କ ନିର୍ଦ୍ଦେଶ କ୍ରମେ ଅନୁଷ୍ଠାନର କର୍ମକର୍ତ୍ତା ମାନେ ଗଉର ଟିକ୍ରା ଶ୍ରୀକୃଷ୍ଣାନନ୍ଦ ଆଶ୍ରମରେ ସେବା ଦାନ ପାଇଁ ପହଞ୍ଚି ଥିଲେ । ସେଠାରେ ରହୁଥିବା ୧୩୦ରୁ ଊର୍ଦ୍ଧ୍ବ ଅନାଥ ପିଲାଙ୍କୁ ରନ୍ଧା ଖାଦ୍ୟ ସାଙ୍ଗକୁ ପିଲା ମାନଙ୍କୁ ପାଠ ପଢ଼ିବା ପାଇଁ ଖାତା, କଲମ, ରବର୍, ପେନସିଲ ଆଦି ବଣ୍ଟନ କରିଥିଲେ । ଏହି କାର୍ଯ୍ୟକ୍ରମରେ କ୍ଲବର ଉପସଭାପତି ବଳରାମ ପ୍ରଧାନ, ନରେଶ ଅଗ୍ରୱାଲ, ସୋମନାଥ ପଟ୍ଟନାୟକ, ଶିବ ଶଙ୍କର ତ୍ରିପାଠୀ, ବିନୟ କୁମାର ଦାସ, ଅମିତ୍ ଗୁପ୍ତା, ଜୟ କ୍ରିଷ୍ଣା, ରାଜୀବ ବିଶ୍ଵାଳ, ସୁଦୟ ଭୋଇ , ଦିନେଶ ଭୋଇ, ଜଗବନ୍ଧୁ ପଣ୍ଡା,ବି ଗୋବିନ୍ଦୁ, ବିକାଶ ସାହୁ ପ୍ରମୁଖ ସାମିଲ ହୋଇ କାର୍ଯ୍ୟକ୍ରମରେ ସହଯୋଗ କରିଥିଲେ ।
