ରେଙ୍ଗାଲି : ରେଙ୍ଗାଲି ବ୍ଳକ୍ ର ବିଭିନ୍ନ ଗ୍ରାମରେ ଥିବା ଅଙ୍ଗନୱାଡି କେନ୍ଦ୍ରକୁ ସ୍ୱଚ୍ଛ ପାନିୟ ଜଳ ଯୋଗଣର ବ୍ୟବସ୍ଥା କରିବା ସହିତ ସ୍ଥାୟୀ ଭିତ୍ତି ଭୂମିର ବ୍ୟବସ୍ଥା କରିବାକୁ ମହିଳା ସଂଗ୍ରାମ ସମିତି ପକ୍ଷରୁ ରେଙ୍ଗାଲି ବ୍ଳକ୍ ଉନ୍ନୟନ ଅଧିକାରିଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଦାବି ପତ୍ର ପ୍ରଦାନ କରାଯାଇଛି। ବିଗତ ଦିନରେ ସଂଗ୍ରାମ ସମିତି ପକ୍ଷରୁ ରେଙ୍ଗାଲି ବ୍ଳକ୍ ଅଞ୍ଚଳରେ ଏକ ସର୍ଭେ କରା ଯାଇଥିଲା। ସର୍ଭେ ସମୟରେ ଅନେକ ଅଙ୍ଗନୱାଡି କେନ୍ଦ୍ରରେ ଭିତ୍ତିଭୂମି ର ଅବ୍ୟବସ୍ଥା ଏପରିକି ସ୍ଥାୟୀ ଭିତ୍ତିଭୂମି ନଥିବାର ଦେଖିବାକୁ ମିଳିଥିଲା। ଏହବ୍ୟତୀତ ଶିକ୍ଷକ/ଶିକ୍ଷୟିତ୍ରୀର ଅଭାବ ଥିବାର ପରିଲକ୍ଷିତ ହୋଇଥିଲା। ଏହି ପରିପ୍ରେକ୍ଷୀରେ ଗୁଣାତ୍ମକ ଶିକ୍ଷାକୁ ସୁନିଶ୍ଚିତ କରିବା ଏବଂ ସରକାରଙ୍କ ଘରଦ୍ୱାରରେ ପୋଷଣ କାର୍ଯ୍ୟକ୍ରମ ମାଧ୍ୟମରେ ସମସ୍ତ ପରିବାରକୁ ପନିପରିବା, ବିହନ ଯୋଗ।ଇଦେବା , ନୂତନ ନଳକୂପ ସ୍ଥାପନ ଏବଂ ଅଚଳ ନଳକୂପ ଗୁଡିକୁ କାର୍ଯ୍ୟକ୍ଷମ କରିବାକୁ ସଂଗ୍ରାମ ସମିତି ପକ୍ଷରୁ ଦାବି କରାଯାଇଛି। ବ୍ଳକ୍ କଲୋନିରୁ ମହିଳା ସଂଗ୍ରାମ ସମିତିର କର୍ମକର୍ତ୍ତା ମାନଙ୍କ ନେତୃତ୍ୱରେ ସମିତିର ବହୁ ସଂଖ୍ୟକ ସଭ୍ୟା ଏକ ଶୋଭାଯାତ୍ରାରେ ବାହାରି ରେଙ୍ଗାଲି ବ୍ଳକ୍ ଉନ୍ନୟନ ଅଧିକାରୀ ଙ୍କୁ ସାକ୍ଷାତ କରି ଦାବିପତ୍ର ପ୍ରଦାନ କରିଥିଲେ।
ଅଙ୍ଗନୱାଡି କେନ୍ଦ୍ରରେ ଜଳ ଯୋଗାଣ, ସ୍ଥାୟୀ ଭିତ୍ତିଭୂମି ବ୍ୟବସ୍ଥା ପାଇଁ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ
Popular Categories
Previous article
Next article