ନୂଆଦିଲ୍ଲୀ : ନିଜ ସେୟାରଧାରୀଙ୍କୁ ଖୁସି ଖବର ଦେଇଛି ରିଲାଏନ୍ସ । ରିଲାଏନ୍ସ ଇଣ୍ଡଷ୍ଟ୍ରିଜର ବାର୍ଷିକ ସାଧାରଣ ବୈଠକ ପ୍ରାରମ୍ଭରେ କମ୍ପାନୀର ଅଧ୍ୟକ୍ଷ ମୁକେଶ ଅମ୍ବାନୀ ସେୟାରଧାରୀଙ୍କୁ ଖୁସି କରିଦେଇଛନ୍ତି । କମ୍ପାନୀ ନିଜ ୩୫ ଲକ୍ଷ ସେୟାରଧାରୀଙ୍କୁ ଉପହାର ଦେଇ ବୋନସ୍ ଘୋଷଣା କରିଛି ।
ବୈଠକରେ ମୁକେଶ ଅମ୍ବାନୀ ସେୟାରଧାରୀଙ୍କ ପାଇଁ ବୋନସ୍ ସେୟାର ଘୋଷଣା କରିଛନ୍ତି । ରିଲାଏନ୍ସ ୧:୧ ଅନୁପାତରେ ବୋନସ୍ ସେୟାର ଦେବା ପାଇଁ ଘୋଷଣା କରିଛି । କମ୍ପାନୀ ପ୍ରତି ସେୟାରରେ ୧ ସେୟାର ବୋନସ୍ ରୂପେ ପ୍ରଦାନ କରିବ । ମୁକେଶ ଅମ୍ବାନୀ କହିଛନ୍ତି କି କମ୍ପାନୀର ବୋର୍ଡ ବୈଠକରେ ସେୟାରଧାରୀଙ୍କୁ ୧:୧ ଅନୁପାତରେ ବୋନସ୍ ସେୟାର ଜାରି କରିବା ନେଇ ସୁପାରିଶ କରାଯିବ । କହିରଖୁଛୁ ଆଗାମୀ ବୈଠକ ୫ ସେପ୍ଟେମ୍ବରରେ ହେବ । ଏହି ଘୋଷଣା ପରେ ରିଲାଏନ୍ସର ସେୟାର ଦାମ୍ ବଢିବାରେ ଲାଗିଛି । ତେବେ ଏହା ପ୍ରଥମ ଥର ନୁହେଁ, କମ୍ପାନୀ ୨୬ ନଭେମ୍ବର ୨୦୦୯ରେ ମଧ୍ୟ ୨ ଥର ବୋନସ୍ ସେୟାର ଦେଇସାରିଛି । କମ୍ପାନୀ ୨ ଥର ୧:୧ ଅନୁପାତରେ ବୋନସ ସେୟାର ଘୋଷଣା କରିଥିଲା ।
