ରାୟଗଡ଼ା: ଚିକିଟି ଥାନା ଅଞ୍ଚଳରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ମୃତକଙ୍କ ଶବବ୍ୟବଚ୍ଛେଦ ପାଇଁ ପରିବାର ଲୋକ ଶବକୁ କାନ୍ଦରେ ବୋହି ଡାକ୍ତରଖାନାକୁ ନେଇ ଥିବା ଦୃଶ୍ୟ ସାମନାକୁ ଆସିଛି । ସୂଚନା ଅନୁଯାୟୀ କାଲି ନକଟସ୍ଥ ଜଙ୍ଗଲରୁ ବ୍ୟକ୍ତି ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଆଜି ତାଙ୍କର ମୃତ୍ୟୁର କାରଣ ଜାଣିବାକୁ ପରିବାର ଲୋକ ଶବବ୍ୟବଚ୍ଛେଦ କରିବାକୁ ନେଉଥିବା ଜଣାପଡ଼ିଛି । ମୃତ ବ୍ୟକ୍ତି ଜଣକ ଚିକିଟି ଥାନା ଅଧିନ ଡୁଡୁକାବାହାଲ ଗାଁର ହୋଇଥିବା ବେଳେ ସେ ଗତ ୪ତାରିଖରୁ ନିଖୋଜ ଥିଲେ । ଏନେଇ ନେଇ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା । ପୁଲିସକୁ ଏନେଇ ଖବର ଦେବା ପରେ ଫୋରେନସିକ୍ ଟିମ୍ ଘଟଣାସ୍ଥଳରେ ପହଞ୍ଚି ଯାଞ୍ଚ କରୁଛନ୍ତି । ହେଲେ ଶବବ୍ୟବଚ୍ଛେଦ ପାଇଁ ପୁଲିସ ବ୍ୟବସ୍ଥା କରିନଥିବା ଅଭିଯୋଗ ହୋଇଛି ।
Popular Categories
Previous article
Next article