ନବରଙ୍ଗପୁର : ରାଷ୍ଟ୍ରୀୟ ଆଦିବାସୀ ଏକତା ପରିଷଦ,ନବରଙ୍ଗପୁର ଜିଲା ଶାଖା ପକ୍ଷରୁ ରାଷ୍ଟ୍ରପତିଙ୍କର ଉଦ୍ଦେଶ୍ୟରେ ୪ଦଫା ଦାବି ପତ୍ର ଜିଲାପାଳଙ୍କୁ ପ୍ରଦାନ କରାଯାଇଛି। ଦାବି ମଧ୍ୟରେ ପ୍ରତ୍ୟେକ ରାଜ୍ୟରେ ସରକାରୀ ଭାବେ ଆଦିବାସୀ ପରିଷଦ ଗଠନ କରାଯିବା, ନୂତନ ଆର୍ଥିକ ଯୋଜନା ଅନୁଯାୟୀ ସରକାରୀ ଅନୁଷ୍ଠାନ /ସଂସ୍ଥାକୁ ଘରୋଇକରଣ ମାଧ୍ୟମରେ ଏସ୍ଟି/ଏସ୍ସି / ଓବିସି ମାନଙ୍କୁ ସରକାରୀ ଚାକିରୀରୁ ବଞ୍ଚିତ କରିବା ବନ୍ଦ କରାଯିବା। ଭୋଟ ବ୍ୟବସ୍ଥାରେ ଇଭିଏମ ବଦଳରେ ଭୋଟ କାଗଜ(ବୋଲଟ ପେପର)ବ୍ୟବହାର କରାଯିବା, ଆସନ୍ତା ଜନଗଣନାରେ ଆଦିବସୀମାନଙ୍କର ଧର୍ମସ୍ଥାନ ପାଇଁ ଏକ କଲମ ରଖାଯିବାକୁ ଦାବି କରାଯାଇଛି। ଏହି ଦାବିପତ୍ର ପ୍ରଦାନ ବେଳେ ପରିଷଦର ରାଜ୍ୟ ଉପସଭାପତି ଦମୋଦର ପୂଜାରୀ, ଅବିଭକ୍ତ କୋରାପୁଟ ଜିଲା ମୂଳନିବସୀ ବିକାଶ ପରିଷଦର ଅଧ୍ୟକ୍ଷ ଚନ୍ଦ୍ରଧ୍ୱଜ ମାଝୀ, ବହୁକ୍ରାନ୍ତି ମୋର୍ଚ୍ଚା ଜିଲା ସଭାପତି ନରହରି ନାୟକ, ଓଡିଶା ରାଜ୍ୟ ବେରୋଜଗାର ମୋର୍ଚ୍ଚା ସଭାପତି ଚିଙ୍କା ଭତରା, ଭାରତୀୟ ବିଦ୍ୟାର୍ଥୀ ମୋର୍ଚ୍ଚା ଜିଲା ସଭାପତି ପ୍ରକାଶ ଭତରା, ଡମୁସିଂ ମାଝୀ ବବ୍ରୁବାହନ ନାଏକ ଓ ରତନ ମାଝୀ ସମେତ ଅନ୍ୟାନ୍ୟ କର୍ମକର୍ତ୍ତା ଯୋଗ ଦେଇଥିଲେ।
Popular Categories
Previous article
Next article