ସୁନ୍ଦର ଝୋଟି ଓ ଫୁଲରେ ସଜ୍ଜିତ ହୋଇଛି ଅଯୋଧ୍ୟାର ଗର୍ଭଗୃହ ; ଏହି ସ୍ଥାନରେ ବୈଦିକ ରୀତିରେ ପ୍ରଧାନମନ୍ତ୍ରୀ କରୁଛନ୍ତି ପୂଜା
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ ପ୍ରଭୁ ରାମଙ୍କ ମନ୍ଦିର ପାଇଁ ଭୂମି ପୂଜା ଓ ଶିଳାନ୍ୟାସ କରିବାର କାର୍ଯ୍ୟକ୍ରମ ଆରମ୍ଭ ହୋଇସାରିଛି। ଏଥିପାଇଁ ରାମ ଜନ୍ମଭୂମି ପରିସରରେ ଗର୍ଭଗୃହସ୍ଥଳକୁ ଖୁବ ସୁନ୍ଦର ଭାବେ ସଜ୍ଜା ଯାଇଛି। ଭୂମିପୂଜା ସ୍ଥାନରେ ସୁନ୍ଦର ସୁନ୍ଦର ରଙ୍ଗରେ ଝୋଟି ସହ ବିଭିନ୍ନ ମଂଚକୁ ମଧ୍ୟ ସଜା ଯାଇଛି।
ଏହି ସ୍ଥାନରେ ହିଁ ମୋଦୀ ବୈଦିକ ରୀତିନୀତିରେ ଶୁଭ ମୁହୂର୍ତରେ ଚାନ୍ଦିର ଇଟା ରଖି ଶିଳା ପୂଜା କରିବେ।
୨୧ ବ୍ରାହ୍ମଣ ଏହି ଭୂମିପୂଜାରେ କାର୍ଯ୍ୟକ୍ରମକୁ ସମ୍ପୂର୍ଣ୍ଣ କରିବେ। ଏହି ବ୍ରାହ୍ମଣମାନେ କାଶୀ, ଅଯୋଧ୍ୟା, ଦିଲ୍ଲୀ, ପ୍ରୟାଗରାଜରୁ ଆସିଛନ୍ତି। ପ୍ରୟାଗରାଜରୁ ବିଦ୍ୱାନ ଗୋବିନ୍ଦ ମଧ୍ୟ ଆସିଛନ୍ତି।
ଭୂମିପୂଜା ପାଇଁ ଗର୍ଭଗୃହକୁ ସମ୍ପୂର୍ଣ୍ଣ ଫୁଲରେ ସଜାଯାଇଛି। ପୂଜାସ୍ଥଳରେ ସୁନ୍ଦର ସୁନ୍ଦର ଝୋଟି ଅଙ୍କା ଯାଇଛି। ଭୂମିପୂଜା ଓ ଶିଳାନ୍ୟାସ ସହ ରାମ ମନ୍ଦିର ନିର୍ମାଣ ପାଇଁ କାର୍ଯ୍ୟକ୍ରମ ଆରମ୍ଭ ହୋଇଛି।
Comments are closed.