ଭୁବନେଶ୍ଵର: ଅଭିନେତ୍ରୀ ହେବାର ସ୍ବପ୍ନ ଦେଖିଥିବା ଝିଅଙ୍କ ପାଇଁ ପୁଣି ଫେରିଛି ଲୋକପ୍ରିୟ ରିଆଲିଟି ଶୋ’ ରଜ କୁଇନ୍। ବିଗତ ଦିନରେ ଏହି ଶୋ’ ଇଣ୍ଡଷ୍ଟ୍ରିକୁ ଅନେକ ବଛା ବଛା ଅଭିନେତ୍ରୀ ଦେଇ ସାରିଛି। ତେବେ ଚଳିତ ବର୍ଷ ମଧ୍ୟ ବଡ଼ ଧୁମଧାମରେ ଆୟୋଜିତ ହେବାକୁ ଯାଉଛି ରଜ କୁଇନ୍। ଏପ୍ରିଲ ୧୯ ତାରିଖରୁ ପ୍ରତି ଶନିବାର ଓ ରବିବାର ରାତି ୯.୩୦ ମିନିଟରେ ଜୀ ସାର୍ଥକରେ ପ୍ରସାରିତ ହେବ ‘ରଜ କୁଇନ୍’। ଚଳିତ ବର୍ଷ ‘ରଜ କୁଇନ୍’ର ୧୩ତମ ସଂସ୍କରଣ ପାଇଁ ଅଡିସନ୍ ସରିଯାଇଛି। ଜଗତସିଂହପୁର, ଯାଜପୁର, ଢେଙ୍କାନାଳ, ପୁରୀ, ଭୁବନେଶ୍ବର, ବାଲେଶ୍ୱର, କେନ୍ଦୁଝର, ରାଉରକେଲା, ଭଦ୍ରକ, ଅନୁଗୁଳ ଓ କଟକରେ ଅନୁଷ୍ଠିତ ହୋଇ ଚୟନ କରାଯାଇଥିବା ପ୍ରତିଯୋଗୀମାନଙ୍କୁ ନେଇ ଆରମ୍ଭ ହେବ ଅନ୍ତିମ ପର୍ଯ୍ୟାୟ ‘ରଜ କୁଇନ୍ ୨୦୨୫’। ଚଳିତ ବର୍ଷ ବିଚାରକ ଭାବରେ ନଜର ଆସିବେ ଲିପି ମହାପାତ୍ର, ଶ୍ରୀତମ ଦାସ ଓ ଦେବାଶିଷ ପାତ୍ର ଏବଂ ମେଣ୍ଟର ଭାବରେ ଓଲିଉଡ଼ ଅଭିନେତ୍ରୀ ଦିବ୍ୟା, ସୂର୍ଯ୍ୟମୟୀ, ଅନୀଷା ଓ ଅନୁଭା ନଜର ଆସିବେ। ୧୫ରୁ ୨୫ ବର୍ଷ ମଧ୍ୟର ଆଶାୟୀ ପ୍ରାର୍ଥୀ ଅଡିସନ୍ ଦେଇ ଅଭିନେତ୍ରୀ ହେବାର ଦେଖିଥିବା ସ୍ବପ୍ନକୁ ପୁରା କରିପାରିବେ।
Comments are closed.