ସମାଜ ଡିଜିଟାଲ ଡେସ୍କ: ସୁଜୁକି ମୋଟରସାଇକେଲ ଇଣ୍ଡିଆ ଫ୍ଲିପକାର୍ଟ ସହ ମିଳିତ ଭାବରେ ଏକ ନୂତନ ଉଦ୍ୟମ ଆରମ୍ଭ କରିଛି। ଏଣିକି ଅନଲାଇନରେ ଫ୍ଲିପକାର୍ଟରୁ କିଣିହେବ ସୁଜୁକି ଗାଡ଼ି। ୧୫ ଏପ୍ରିଲ, ୨୦୨୫ରୁ ଏହି ସୁବିଧା ଆରମ୍ଭ ହୋଇଛି। ବର୍ତ୍ତମାନ ଏହି ସୁବିଧା କେବଳ ୮ଟି ରାଜ୍ୟରେ ଉପଲବ୍ଧ ହେବ। ସୁଜୁକି ଆଭେନିସ୍, ଜିକ୍ସର ସିରିଜ୍ ଏବଂ ଭି-ଷ୍ଟ୍ରମ୍ ଏସଏକ୍ସ ଭଳି ମଡେଲ୍ ଫ୍ଲିପକାର୍ଟରେ ଉପଲବ୍ଧ ହେବ। କମ୍ପାନୀ କହିଛି ଯେ, ଏହାଦ୍ଵାରା ଗ୍ରାହକମାନଙ୍କୁ ସେମାନଙ୍କର ପ୍ରିୟ ମୋଟରସାଇକେଲ ଏବଂ ସ୍କୁଟର କିଣିବା ସହଜ ହେବ। ଫ୍ଲିପକାର୍ଟ ସହିତ ମିଶି ସୁଜୁକି ଲକ୍ଷ୍ୟ ରଖିଛି ଯେପରି ଅଧିକରୁ ଅଧିକ ଲୋକ ତାଙ୍କ ଯାନ ବିଷୟରେ ଜାଣନ୍ତୁ ଏବଂ ସେଗୁଡ଼ିକୁ କିଣନ୍ତୁ।
୮ ରାଜ୍ୟରେ ପ୍ରଥମେ ମିଳିବ ଏହି ସୁବିଧା-
୧୫ ଏପ୍ରିଲ୍ ୨୦୨୫ରୁ କର୍ଣ୍ଣାଟକ, ତାମିଲନାଡୁ, ଗୁଜରାଟ, ମହାରାଷ୍ଟ୍ର, ଆନ୍ଧ୍ର ପ୍ରଦେଶ, ଓଡ଼ିଶା, ମେଘାଳୟ ଏବଂ ମିଜୋରାମର ଲୋକମାନେ ଫ୍ଲିପକାର୍ଟରୁ ସୁଜୁକି ଗାଡ଼ି ବୁକ୍ କରିପାରିବେ। ଫ୍ଲିପକାର୍ଟରେ ସୁଜୁକି ଆଭେନିସ୍ ସ୍କୁଟର ଓ ଜିକ୍ସର, ଜିକ୍ସର ଏସଏଫ, ଜିକ୍ସର ୨୫୦, ଜିକ୍ସର ଏସଏଫ ୨୫୦ ଓ ଭି-ଷ୍ଟ୍ରମ୍ ଏସଏକ୍ସ ମୋଟରସାଇକେଲ ମିଳିବ।
ଏଭଳି ଉଠାଇ ପାରିବେ ଲାଭ-
ଗାଡ଼ି ବୁକ୍ କରିବାର ପ୍ରକ୍ରିୟା ବହୁତ ସହଜ। ଫ୍ଲିପକାର୍ଟରେ ସୁଜୁକିର ଭିନ୍ନ ଭିନ୍ନ ମଡେଲ ଦେଖିପାରିବେ। ନିଜ ପସନ୍ଦର ବାଇକ୍-ସ୍କୁଟର ବାଛନ୍ତୁ ଏବଂ ଏହାକୁ ଅନଲାଇନ ଅର୍ଡର କରନ୍ତୁ। ଏହା ପରେ ଆପଣଙ୍କ ନିକଟସ୍ଥ ଡିଲରସିପ୍ ଆପଣଙ୍କୁ କାଗଜପତ୍ର କାମରେ ସାହାଯ୍ୟ କରିବେ। ପଞ୍ଜୀକରଣ ସରିବା ପରେ ଆପଣ ଆପଣଙ୍କ ନୂଆ ସୁଜୁକି ଗାଡ଼ି ନେଇପାରିବେ। ଅର୍ଥାତ୍ ଗାଡ଼ି ଆପଣଙ୍କ ଘରେ ପହଞ୍ଚିଯିବ।
