ଡେରାଡୁନ : ଉତ୍ତରାଖଣ୍ଡରେ ମଙ୍ଗଳବାର ପ୍ରବଳ ବର୍ଷା ଜନିତ ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ଘଟିଛି। ପ୍ରବଳ ବର୍ଷା ସହ କୋହଲା ପବନ ଯୋଗୁଁ ସାଧାରଣ ଜୀବନ ଯାତ୍ରା ବ୍ୟାହତ ହୋଇଛି। ମୂଷଳ ଧାରାରେ ପ୍ରବଳ ବର୍ଷା ଯୋଗୁଁ ବିଭିନ୍ନ ସ୍ଥାନରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଉତ୍ତରାଖଣ୍ଡ ଦେଇ ପ୍ରବାହିତ ପ୍ରାୟ ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି ।
କେତେକ ସ୍ଥାନରେ ମାଟି ଅତଡ଼ା ଖସି ରାସ୍ତା ବନ୍ଦ ହୋଇଯାଇଛି। ଫଳରେ ଅନେକ ସ୍ଥାନରେ ଯାତାୟତ ବାଧାପ୍ରାପ୍ତ ହୋଇଛି। ବର୍ଷା ପାଣିରେ ବିଦ୍ୟୁତ୍ ପ୍ରବାହିତ ହୋଇ ୩ ଯୁବକଙ୍କ ମୃତ୍ୟୁ ଘଟିଛି। କୋଣ୍ଡିୟା ଏବଂ ଆମପଡ଼ାଓର କେତେକ ଘରରେ ବର୍ଷା ପାଣି ପଶିଯାଇଛି। ପ୍ରଶାସନିକ ଦଳ ବର୍ଷା ପ୍ରଭାବିତ ଅଞ୍ଚଳରେ ପହଞ୍ଚି ଲୋକଙ୍କୁ ରିଲିଫ ସାମଗ୍ରୀ ଯୋଗାଇ ଦେଇଛି। ଭୂ-ସ୍ଖଳନ ଯୋଗୁଁ ବଦ୍ରିନାଥ ରାଜପଥ ବନ୍ଦ ହୋଇଯାଇଛି। କେତେକ ରାସ୍ତାରେ ଭାରି ଯାନ ଚଳାଚଳ ବନ୍ଦ କରିଦିଆଇଛି। ପାଣିପାଗ ବିଭାଗ ଉତ୍ତରାଖଣ୍ଡରେ ଆସନ୍ତା ୩ ଦିନ ପର୍ଯ୍ୟନ୍ତ ପ୍ରବଳରୁ ଅତିପ୍ରବଳ ବର୍ଷା ହେବ ବୋଲି ଚେତାବନୀ ଜାରି କରିଛି।
ଉତ୍ତରାଖଣ୍ଡ: ବର୍ଷା ଜନିତ ଦୁର୍ଘଟଣାରେ ୩ ମୃତ, ରାସ୍ତା ବନ୍ଦ
Popular Categories
Previous article
Next article