ଭୁବନେଶ୍ୱର: ଲଘୁଚାପ ବର୍ଷା ଯୋଗଁ ସାରା ରାଜ୍ୟ ଜଳମଗ୍ନ ହୋଇଛି । ରାଜଧାନୀ ଭୁବନେଶ୍ୱର ସହ କଟକ, ବ୍ରହ୍ମପୁର ପୁରୀ ସହର ସହ ବିଭିନ୍ନ ଅଞ୍ଚଳ ଜଳମଗ୍ନ ହୋଇଛି । କଟକ ସହରର ଅନେକ ଅଂଶରେ ଆଣ୍ଠୁଏ ଉଚ୍ଚର ପାଣି ଜମିଛି । କେତକ ଘର ମଧ୍ୟର ବର୍ଷା ଓ ନଳା ପାଣି ପ୍ରବେଶ କରୁଛି । ବର୍ଷା ଯୋଗୁଁ ସାଧାରଣ ଜୀବନଯାତ୍ରା ବେହାଲ ହୋଇଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବର୍ଷା ପରର ପରିସ୍ଥିତ ସମୀକ୍ଷା କରିଛନ୍ତି । ଜଳବନ୍ଦୀ ଅବସ୍ଥାରେ ରହିଥିବା ଲୋକମାନଙ୍କୁ ଉଦ୍ଧାର କରିବା ସହ କଟକରେ ଜଳବନ୍ଦୀ ଅବସ୍ଥାରେ ରହୁଥିବା ଲୋକମାନଙ୍କୁ ରନ୍ଧା ଖାଦ୍ୟ ଦେବାପାଇଁ ନିର୍ଦେଶ ଦିଆଯାଇଛି । କଟକରେ ୧୮୧ଟି ପମ୍ପକୁ ପାଣି କାଢିବା କାମରେ ନିୟୋଜନ କରାଯାଇଛି । ଜଳ ମଗ୍ନ ସମସ୍ତ ସହରରେ ଉଚ୍ଚ କ୍ଷମତା ସମ୍ପନ୍ନ ପମ୍ପ ନିୟୋଜନ କରିବା ପାଇଁ ନିର୍ଦେଶ ଦିଆଯାଇଛି । ସମସ୍ତ ବିଦ୍ୟାଳୟକୁ ଛୁଟି ଘୋଷଣା କରାଯାଇଛି । ଆବଶ୍ୟକ ସ୍ଥଳେ ସ୍କୁଲମାନଙ୍କୁ ଛୁଟି କରିବା ପାଇଁ ଜିଲାପାଳମାନଙ୍କୁ ଅଧିକାର ଦିଆଯାଇଛି ।
