ନୂଆଦିଲ୍ଲୀ: ରାଫେଲ ଯୁଦ୍ଧ ବିମାନ ପ୍ରସଙ୍ଗକୁ ନେଇ ବୁଧବାର ସଂସଦରେ ବ୍ୟାପକ ହଙ୍ଗାମା ହେବା ପରେ ଏହାକୁ ନେଇ ଗଣମାଧ୍ୟମରେ ଚର୍ଚ୍ଚା ଜୋର ଧରିବାରେ ଲାଗିଛି। ଗୋଆ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ନାମରେ ସୋସିଆଲ ମିଡିଆରେ ଚାଲିଥିବା ଏକ ଅଡିଓ ଟେପ୍କୁ ପ୍ରମୁଖ ଅସ୍ତ୍ର କରି କଂଗ୍ରେସ ସଂସଦ ମଧ୍ୟରେ ତୁମୁଳ ହୋ-ହଲ୍ଲା କରିଥିଲା। ଏପରିକି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ସଂସଦ ମଧ୍ୟରେ ବାଚସ୍ପତିଙ୍କୁ ଉକ୍ତ ଅଡିଓ ଟେପ ଚଲାଇବାକୁ ଅନୁମତି ମାଗିଥିଲେ। ତେବେ ବିତ୍ତ ମନ୍ତ୍ରୀ ରହୁଲ ଜେଟଲୀଙ୍କ ସମେତ ଅନ୍ୟାନ୍ୟ ବିଜେପି ନେତା ରାହୁଲଙ୍କ ଏଭଳି କାର୍ଯ୍ୟକୁ ବିରୋଧ କରିବାରୁ ପରିସ୍ଥିତି ଉଗ୍ର ରୂପ ଧାରଣ କରିଥିଲା।
ରାହୁଲଙ୍କ ଏଭଳି ମାଷ୍ଟର ଷ୍ଟ୍ରୋକକୁ ବାଚସ୍ପତି ସୁମିତ୍ରା ମହାଜନ ଅକାମୀ କରି ଦେଇଥିଲେ। ଶ୍ରୀମତୀ ମହାଜନ କହିଥିଲେ ଯେ ଏହି ଅଡିଓ ଟେପର ସତ୍ୟାସତ୍ୟ ପ୍ରମାଣିତ ହୋଇ ନାହିଁଁ। ରାହୁଲ ଗାନ୍ଧି ଯଦି ଜଣେ ସାଂସଦ ଭାବେ ଉକ୍ତ ଅଡିଓ ଟେପ ସତ୍ୟ ବୋଲି ଭାବୁଥାନ୍ତି ତେବେ ଏହାକୁ ସଂସଦ ମଧ୍ୟରେ ଚଲାଇ ପାରନ୍ତି। ତେବେ ପରବର୍ତ୍ତୀ ସମୟରେ ଯଦି ଏହି ଅଡିଓ ଜାଲ ବୋଲି ପ୍ରମାଣିତ ହୁଏ ତେବେ ଏଥିପାଇଁ ରାହୁଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀମତୀ ମହାଜନ ସ୍ପଷ୍ଟ କରିଥିଲେ। ବାଚସ୍ପତିଙ୍କ ଏଭଳି ମନ୍ତବ୍ୟ ରାହୁଲଙ୍କ ଆତ୍ମବିଶ୍ୱାସରେ ପାଣି ପକାଇ ଦେଇଥିଲା। ଯେଉଁ ଅଡିଓ ଟେପକୁ କଂଗ୍ରେସ ପ୍ରମୁଖ ଅସ୍ତ୍ର ଭାବେ ବ୍ୟବହାର କରୁଥିଲା ତାହା ସମ୍ପୂର୍ଣ୍ଣ ଭଣ୍ଡୁର ହୋଇ ଯାଇଥିଲା।
The audio clip released by the congress party is a desperate attempt to fabricate facts after their lies were exposed by the recent Supreme Court verdict on Rafale. No such discussion ever came up during Cabinet or any other meeting.
— Manohar Parrikar (@manoharparrikar) January 2, 2019