କେରଳ : ଲୋକସଭା ନିର୍ବାଚନ ପାଇଁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଗୁରୁବାର କେରଳର ୱାୟନାଡରୁ ନାମାଙ୍କନ ପତ୍ର ଦାଖଲ କରିଛନ୍ତି । ନାମାଙ୍କନ ପତ୍ର ଦାଖଲ ପରେ କଂଗ୍ରେସର ବହୁ ବରିଷ୍ଠ ନେତା ଓ କର୍ମୀଙ୍କ ସହ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ରୋଡ ଶୋ ଆରମ୍ଭ କରିଛନ୍ତି । ଏହି ରାଲିରେ କଂଗ୍ରେସ ନେତାଙ୍କ ବେଶ୍ ଭିଡ ଜମିଥିବା ବେଳେ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ପ୍ରିୟଙ୍କା ଗାନ୍ଧୀ ରାଜନୀତିରେ ସକ୍ରିୟ ହେବା ପରେ ଉଭୟ ଭାଇ-ଭଉଣୀଙ୍କ ଏହା ହେଉଛି ଦ୍ବିତୀୟ ରୋଡ ଶୋ । ଏହା ପୂର୍ବରୁ ଉଭୟ ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରେ ରୋଡ ଶୋ କରିଥିଲେ ।
