କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଳ ଗାନ୍ଧୀ ପୁଣିଥରେ କେନ୍ଦ୍ର ସରକାରଙ୍କ ବିରୋଧରେ ବର୍ଷିବାର କୌଣସି ସୁଯୋଗ ହାତଛଡ଼ା କରୁନାହାନ୍ତି । ପ୍ରାୟ ପ୍ରତିଦିନ କୌଣସି ନା କୌଣସି ପ୍ରସଙ୍ଗ ନେଇ ସେ କେନ୍ଦ୍ର ସରକାରଙ୍କୁ ନିଶାଣ କରୁଛନ୍ତି । ଏବେ ରାହୁଳ ଶିଳ୍ପପତିଙ୍କୁ ଦିଆଯାଇଥିବା ଟିକସ ଛାଡ଼ ପ୍ରସଙ୍ଗ ଉଠାଇ ପୁଣି କେନ୍ଦ୍ର ସରକାରଙ୍କୁ କାଠଗଡ଼ାକୁ ଟାଣିଛନ୍ତି । କେନ୍ଦ୍ର ସରକାରଙ୍କୁ ‘ସୁଟ୍-ବୁଟ୍ ସରକାର’ ଭାବରେ ଅଭିହିତ କରି ସୁପ୍ରିମକୋର୍ଟ ମୋରେଟୋରିୟମ ଅବଧି ବୃଦ୍ଧିକୁ ନେଇ କେନ୍ଦ୍ର ସରକାରଙ୍କ ଉପରେ ଖପ୍ପା ହୋଇଥିବା ସଂକ୍ରାନ୍ତ ଏକ ଖବରକାଗଜର ରିପୋର୍ଟ ଆଧାରରେ ରାହୁଳ ଟ୍ବିଟ୍ କରିଛନ୍ତି। ସେ କହିଛନ୍ତି ଯେ ୧୪୫୦୦୦୦୦୦୦୦୦୦ ଟଙ୍କାର ଟିକସ ଛାଡ଼ର ଫାଇଦା ବଡ଼ବଡ଼ ବ୍ୟବସାୟୀଙ୍କୁ ପ୍ରଦାନ କରାଗଲା, ମାତ୍ର ମଧ୍ୟମ ବର୍ଗର ଲୋକ ନେଇଥିବା ଋଣର ସୁଧ ଛାଡ଼ କରାଗଲା ନାହିଁ । କାହିଁକି ନା ଏହା ହେଉଛି ସୁଟ୍-ବୁଟ୍ ସରକାର ।
1450000000000 tax cut benefit given to big businesses.
But no interest waiver on loans for middle class.1450000000000 रुपय की टैक्स-छूट का फ़ायदा बड़े व्यवसायों को दिया गया।
लेकिन मध्यम वर्ग को लोन पर ब्याज-माफ़ी तक नहीं।क्योंकि ये है #SuitBootKiSarkar pic.twitter.com/eFMrgtKrG1
— Rahul Gandhi (@RahulGandhi) August 27, 2020
ମୋରେଟୋରିୟମ ଅବଧି ବୃଦ୍ଧି ଓ ଇଏମଆଇ ଉପରେ ସୁଧ ନ ନେବା ସଂକ୍ରାନ୍ତ ଏକ ମାମଲାରେ ସୁପ୍ରିମକୋର୍ଟ କେନ୍ଦ୍ର ସରକାର ଓ ରିଜର୍ଭ ବ୍ୟାଙ୍କକୁ ସମାଲୋଚନା କରିଛନ୍ତି । ଏହାକୁ ନେଇ ରାହୁଳ କେନ୍ଦ୍ର ସରକାରଙ୍କୁ ନିଶାଣ କରିଛନ୍ତି । ଏହା ପୂର୍ବରୁ ଟ୍ବିଟରରେ ରାହୁଳ ଗାନ୍ଧୀ ଲେଖିଥିଲେ ଯେ ରିଜର୍ଭ ବ୍ୟାଙ୍କ ସେହି କଥାକୁ ମାନିଛି, ଯେଉଁ କଥା ମୁଁ ବହୁ ପୂର୍ବରୁ ଚେତାବନୀ ଦେଇଥିଲି । ସରକାର ଶିଳ୍ପପତିଙ୍କ ଟିକସ ହ୍ରାସ କରିବା ପରିବର୍ତ୍ତେ ଗରିବ ଲୋକମାନଙ୍କୁ ଟଙକା ଦେବା ଦରକାର। ମାତ୍ର ସ୍ଥିତି ଉପରୁ ନଜର ହଟାଇବା ନିମନ୍ତେ ଗଣମାଧ୍ୟମକୁ ବ୍ୟବହାର କରିବା ଦ୍ବାରା ନାଁ ଗରିବ ଲୋକମାନେ ଉପକୃତ ହେବେ ନା ଦେଶର ଆର୍ଥିକ ସ୍ଥିତି ସୁଧୁରି ପାରିବ ।
