ଗାଈକୁ ଜୀଅନ୍ତା ଗିଳିଦେଲା ୧୬ ଫୁଟ ଲମ୍ବା ଅଜଗର, ଭିଡିଓ ଭାଇରାଲ

ଆଗ୍ରା : ଉତ୍ତର ପ୍ରଦେଶର ଆଗ୍ରାରୁ ଏକ ଚକିତ କରିଦେବା ଭଳି ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ ଏକ ବିଶାଳକାୟ ଅଜଗର ଗୋଟିଏ ଗାଈକୁ ଗିଳିଦେଇଥିବା ଦେଖିବାକୁ ମିଳୁଛି । ଘଟଣାଟି ଆଗ୍ରା ଥାନା ଚିତ୍ରାହାଟ ଅଞ୍ଚଳର ବୋଲି କୁହାଯାଉଛି । ଯମୁନା ଜଙ୍ଗଲରେ ଅଜଗର ଗାଈକୁ ଜୀଅନ୍ତା ଗିଳିଦେଇଥିବା ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ।

उत्तर प्रदेश के आगरा में एक 16 फीट के विशालकाय अजगर ने गाय को जिंदा निगल लिया। लोगों ने जगर के जबड़े से गाय को बाहर तो निकाल लिया, लेकिन दम घुटने से उसकी मौत हो गई।#viralvideo #Python #Viralnewsvibes pic.twitter.com/uurWiS8wKi

— Viral News Vibes (@viralnewsvibes) September 12, 2024

ଏହି ଅଜଗରର ଲମ୍ବ ପ୍ରାୟ ୧୬ ଫୁଟ । ଜଙ୍ଗଲରେ ଗାଈ ଚରୁଥିବା ସମୟରେ ତାକୁ ଶିକାର କରିଥିଲା ଏହି ବିଶାଳକାୟ ଅଜଗର । କିଛି ସ୍ଥାନୀୟ ଲୋକେ ଏହି ଦୃଶ୍ୟ ଦେଖି ତୁରନ୍ତ ବନବିଭାଗକୁ ସୂଚନା ଦେଇଥିଲେ । କିନ୍ତୁ ବିଭାଗର କେହି ନଆସିବା ପରେ ସ୍ଥାନୀୟ ଲୋକେ ଏକାଠି ହୋଇ ସେହି ଅଜଗରକୁ ଧରି ଜଙ୍ଗଲରେ ଛାଡିଦେଇଥିଲେ । ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । କହିରଖୁଛୁ କିଛି ଦିନ ପୂର୍ବରୁ ଆଗ୍ରାରେ ଏକ ୧୦ ଫୁଟ ଲମ୍ବ ଅଜଗର ଏକ ଛେଳିକୁ ଖାଇଥିଲା । ଲୋକମାନେ ଭିଡି ଛଡାଇବା ପୂର୍ବରୁ ଛେଳିର ମୃତ୍ୟୁ ହୋଇସାରିଥିଲା । ଆଖପାଖ ଲୋକେ ଅଜଗରକୁ ଧରି ବନବିଭାଗକୁ ହସ୍ତାନ୍ତର କରିଥିଲେ ।