ପୁରୀ : ପୁରୀରେ ପୁଲିସ ଓ ସେବାୟତ ମାନଙ୍କ ମଧ୍ୟରେ ଗୁରୁବାର ଠାରୁ ଆରମ୍ଭ ହୋଇଥିବା ବିବାଦର ଆପୋଷ ସମାଧାନ ହୋଇଥିବା ଜଣାପଡିଛି। ଫଳରେ ସକାଳୁ ଶ୍ରୀମନ୍ଦିରରେ ଭଗବାନଙ୍କୁ ଦର୍ଶନ କରିବା ପାଇଁ ଅପେକ୍ଷାରତ ଭକ୍ତଙ୍କ ପ୍ରତିକ୍ଷାର ଅନ୍ତ ଘଟିଛି। ଶ୍ରୀମନ୍ଦିର ନୀତିକାନ୍ତି ଆରମ୍ଭ ହୋଇଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି। ସନ୍ଧ୍ୟା ୫ଟାରେ ଜୟବିଜୟ ଦ୍ୱାର ଖୋଲିଥିବା ବେଳେ ୫.୧୩ରୁ ସାଧାରଣ ଦର୍ଶନ ଆରମ୍ଭ ହୋଇଛି। ତେବେ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶନ ଚାଲିବ ଓ ଶୃଙ୍ଖଳିତ ଦର୍ଶନ ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି ବୋଲି ପ୍ରଶାସନ ପକ୍ଷରୁ କୁହାଯାଇଛି।
ସୂଚନାଯୋଗ୍ୟ ଯେ ଗୁରୁବାର ରାତିରେ ପୁଲିସ ଓ ସେବାୟତଙ୍କ ମଧ୍ୟରେ ଝଗଡା ହୋଇଥିଲା। ଏହାକୁ କେନ୍ଦ୍ର କରି ଶୁକ୍ରବାର ସକାଳୁ ମହାପ୍ରଭୁଙ୍କ ମଙ୍ଗଳାଳତୀ ସହ ନୀତିକାନ୍ତି ବନ୍ଦ ରହିଥିଲା। ଶ୍ରୀଜିଉଙ୍କ ଦର୍ଶନ ପାଇଁ ଘଣ୍ଟା ଘଣ୍ଟା ଧରି ହଜାର ହଜାର ଭକ୍ତ ଅପେକ୍ଷା କରି ରହିଥିବା ବେଳେ ଦ୍ୱାର ନ ଖୋଲିବାରୁ ଉତ୍ତେଜନା ପ୍ରକାଶ ପାଇଥିଲା। ଭକ୍ତମାନେ ବ୍ୟାରିକେଟ ଭାଙ୍ଗି ମନ୍ଦିର ଭିତରକୁ ଧସେଇ ଉଦ୍ୟମ କରିବା ବେଳେ ପୁଲିସ ଓ ଭକ୍ତ ମୁହାଁମୁହିଁ ହୋଇଥିଲେ। ଦୀର୍ଘ ୧୩ ଘଣ୍ଟା ଅପେକ୍ଷା ପରେ ଭକ୍ତମାନେ ମହାପ୍ରଭୁଙ୍କ ଦର୍ଶନ କରିଛନ୍ତି।
ଶ୍ରୀଜିଉଙ୍କ ନୀତିକାନ୍ତି ଆରମ୍ଭ ; ବିଳମ୍ବିତ ରାତି ପର୍ଯ୍ୟନ୍ତ ଚାଲିବ ଦର୍ଶନ
Popular Categories
Previous article
Next article