ପୁରୀ: ପୁରୀର ବିଶ୍ବ ପ୍ରସିଦ୍ଧ ରଥଯାତ୍ରା ପୂର୍ବରୁ ଗୁରୁବାର ଘଟିଛି ଏକ ଅଘଟଣ। ସିସିଟିଭି ଲଗାଇବା ବେଳେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଓଡ଼ିଶା ପୁଲିସ ଗୃହ ନିର୍ମାଣ ନିଗମ ପକ୍ଷରୁ ରଥଯାତ୍ରା ପାଇଁ ପୁରୀର ବିଭିନ୍ନ ସ୍ଥାନରେ ସିସିଟିଭି ଲଗାଯାଉଛି। ଆଜି ଟାଉନ ଥାନା ନିକଟରେ ସିସିଟିଭି ସଂଯୋଗ ବେଳେ ତାଙ୍କୁ ବିଦ୍ୟୁତ୍ ଆଘାତ ଲାଗିଥିଲା। ଏହାପରେ ତାଙ୍କୁ ଜିଲ୍ଲା ସଦର ମହକୁମା ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମୃତ ବ୍ୟକ୍ତିଙ୍କ ନାମ ରାକେଶ ବେହେରା(୩୦) ବୋଲି ଜଣାପଡ଼ିଛି। ଏକ ଠିକା ସଂସ୍ଥା ପକ୍ଷରୁ ସେ ଏହି କାର୍ଯ୍ୟରେ ନିୟୋଜିତ ଥିଲେ। ପୁରୀ ଟାଉନ ଥାନା ପଛପାର୍ଶ୍ଵ କୋଠାରେ ରଥଯାତ୍ରା ପାଇଁ ନିୟନ୍ତ୍ରଣ କକ୍ଷ ଖୋଲାଯାଇଛି। ସେଠାରେ ସିସିଟିଭିକୁ ବିଦ୍ୟୁତ ସଂଯୋଗ ଦେବା ବେଳେ ଏହି ଅଘଟଣ ଘଟିଛି। ଅପରପକ୍ଷେ, କ୍ଷତିପୂରଣ ଦାବି କରିଛନ୍ତି ମୃତକଙ୍କ ପରିବାର।
Comments are closed.